O colechio de Sant Nicolau de Tolentino yera una residencia pa estudiants universitarios que perteneixeba a la Orden d'os Agostinos Recolectos y que yera a lo costau d'a Basilica d'o Pilar de Zaragoza que estió espaldau con las reformas d'a plaza d'o Pilar en 1939. Calle del Fin años 30 en GAZA (Gran Archivo Zaragoza Antigua)
Historia O colechio estió construyiu en 1601 sobre unas casas donadas per Hugo d'Urríes, sinyor d'a baronía d'Ayerbe, que yeran anexas a lo suyo palacio. En 1615 estió espaldau l'antigo edificio y en o suyo puesto se construyió un nuevo edificio per los mayestros d'obras Diego de Quirós y Francisco d'Aguinaga costando 9,000 libras chaquesas. En 1836 estió desamortizau y en 1842 l'edificio estió en releo y adquiriu per Manuel Juan Auset per 140,000 reyals de bellón. A primers d'o sieglo XX l'edificio d'o colechio yera utilizau como edificio de viviendas y la suya ilesia anexa como almagacén. L'edificio estió espaldau en 1939 con l'ampliación d'a Plaza d'o Pilar.
Descripción L'edificio yera formau per lo colechio mesmo y una ilesia anexa. Toz dos teneban a suya dentrada per o callizo de Montaner, tamién clamau callizo de Francoy u tamién "calle del Fin".
Ilesia A ilesia anexa teneba una planta rectangular y 13,5 m de longaria y yera d'estilo gotico. A portalada d'a ilesia teneba 12 palmos d'amplaria y 18 palmos d'altaria con dos arcos de meyo punto y con un escudo y dos lions rampants. En a ilesia yera enronau "Josef Ibánez d'a Consolación", mosén y heroi d'os Seches de Zaragoza.
Colechio Teneba una planta rectangular con 49,5 varas de largo per 22,5 varas d'amplo. Poseyeba dos plantas: Planta baixa: yera la portería y la cocina. Planta alta: i heba dotze cambras y una biblioteca.
Referencias
Bibliografía Manuel García y Teresa Martín El colegio universitario de San Nicolás de Tolentino en Zaragoza, Artigrama n°2, 1985, p. 111-130
Sant Nicolás de Tolentino Categoría:Edificios desapareixius de Zaragoza