Blanca Miret, naixida de Zaragoza l'1 de chinero de 1944, ye una atleta aragonesa especializada en prebas de velocidat, saltos y prebas combinadas que estió campiona d'Espanya en bels prebas y tenió cualques récords d'Espanya. Chunto a atras aragonesas como María Luisa Orobia y Rosa Sierra fuoron bellas d'as prencipals figuras d'a tornada de l'atletismo femenín a Aragón y Espanya dimpués d'a prohibición d'a practica esportiva femenina d'o rechimen de Franco.
Estió 3 vegadas internacional con Espanya y en o Memorial d'Atletismo Miguel de la Quadra-Salcedo, que se celebra en as pistas de cenisa d'a Universidat Complutense de Madrit, se'n fa una preba en o suyo honor dito Trofeo Blanca Miret de 100 metros lisos.II Memorial de Atletismo Miguel de la Quadra-Salcedo.
Palmarés Campionatos d'Espanya Historial d'os Campionatos d'Espanya d'atletismo. 100 metros lisos: Subcampiona en 1963, 1965 y 1967. Tercera en 1964. 200 metros lisos: Subcampiona en 1964 y 1967. Brinco de largaria. Campiona en 1963, subcampiona en 1965 y tercera en 1967. Pentatlón. Campiona en 1968 y subcampiona en 1967.
Referencias
Categoría:Atletas d'Aragón Categoría:Brincadors d'Aragón Categoría:Naixius de Zaragoza Categoría:Velocistas d'Aragón Categoría:1944 (naixencias)