Vicente Ferraz y Turmo (Benás, Ribagorza, 10 d'octubre de 1867 Semblanza de Ferraz Turmo, Vicente a la Eusko Ikaskuntza, consultada el 5 de chinero de 2020. - Sant Sabastián, Guipuzcua, 20 de febrero de 1932) va estar un doctor en Dreto, filologo, escritor, profesor y catedratico aragonés de Llengua y Literatura. Yebe el pai de Vicente Ferraz y Castán y suegro d'Ángel Ballarín Cornel.FERRAZ CASTÁN, Vicente, Vocabulario del dialecto que se habla en la Alta Ribagorza (1934) (Facsímil). Aladrada ediciones. Zaragoza, 2013.
Naixéu de casa Faure, a la vila de Benás, se va llicenciar en Dreto a la Universidat de Zaragoza y dimpués va ser doctor per la Universidat Central de Madrit. Tamé estaríe ben lluego doctor en Filosofía y Lletres per la Universidat Central de Madrit. Va fer de profesor en primeres, dimpués de catedratico en que va sacar pllaza en 1901, y a partir de 1920 de director de l'Instituto General y Técnico de San Sebastián a la capital guipuzcuana, agon viuríe dica la suya muòrt en 1932.
Se va casar dan su prima Dolores Castán Turmo, dan qui tinríe hueito fills. Ye autor d'el vocabulario que se diu Colección de voces aragonesas del dialecto de Benasque, publlicau en 1917, per hu que ye el primer d'els vocabularis d'el benasqués de la era moderna. El cuatreno fillo suyo, Vicente, dezaga de dos ans de muòrto el pai, tamé va publlicar un vocabulario d'el benasqués en 1934 d'el cual se sospite que Ferraz y Turmo hebe estau el principal repllegador.
Referencias
Se veigue tamén
Vicente Ferraz y Castán. Ángel Ballarín Cornel. Dialecto benasqués. Casa Faure (Benás). Francisco Javier Ferraz y Cornel. José Ferraz y Cornel. Apellito Ferraz. Apellito Turmo.
Categoría:Alumnos d'a Universidat Central de Madrit Categoría:Alumnos d'a Universidat de Zaragoza Categoría:Catedraticos d'Aragón Categoría:Casa Faure de Benás Categoría:Escritors d'Aragón Categoría:Escritors en castellano Categoría:Filologos d'Aragón Categoría:Muertos en Sant Sabastián Categoría:Naixius de Benás Categoría:1867 (naixencias) Categoría:1932 (muertes)