Josep Rocarol i Faura estió un pintor y escenografo catalán, naixiu de Barcelona,(Catalunya) o 18 d'abril de 1882 y muerto en ixa mesma ciudat o 25 d'aviento de 1961.
Biografía Naixió de Barcelona en 1882, fillo de Jaume Rocarol i Soler y de Vicenta Faura i Marcansus.
Rocarol se dedicó a la pintura y lo dibuixo. Posteriorment fería escenografía. Pa enamplar as suyas conoixencias en ista zaguera especialidat se tresladó enta París y a la suya tornada enta Barcelona conoixió un gran exito profesional. Rocarol estió lo companyero de Picasso entre l'anyo 1902 en o suyo taller que teneban en común en Barcelona.
Como conservador d'o monesterio de Pedralbes, aconseguió lo 6 d'agosto de 1936, con l'aduya d'os Mossos d'Esquadra, que lo monesterio no estase arramplau y cremau.
En acabar a Guerra Civil Espanyola Rocarol estió condenau a doce anyadas y un día de presón per haber perteneixiu a lo Servicio d'Archius d'a Cheneralidat de Catalunya. Ye per ixo que lo tresladoron en aviento de 1939 enta lo campo de concentración que yera amán de Belchit an remanió dica la suya liberación en aviento de 1942.
Tot y con a suya condición de presonero, estando a lo servicio d'o tenient coronel Roque Adrada, Rocarol podió replegar valurosos apuntes graficos sobre lo patrimonio d'os lugars de Belchit, la Pobla d'Albortón, Fuents d'Ebro, Letuix, Codo, Biescas, Oto, Broto, Gavín, Torla, Cutanda y Navarret.
Casó con Josepa Boada i Delgado.
Bibliografía Josep Palau i Fabre: Picasso i els seus amics catalans. Barcelona: Galaxia Gutenberg, Círculo de Lectores, 2006, p. 102. Mariano García Zaragoza: El Paraninfo exhibe los 'Apuntes de Aragón' de Josep Rocarol. El artista catalán realizó dos centenares de dibujos del patrimonio cultural y etnológico de varias localidades aragonesas entre 1940 y 1942, en l'Heraldo de Aragón, 20 de noviembre de 2017. Alberto Castán Chocarro: Josep Rocarol: dibujos para la Dirección General de Regiones Devastadas desde el Campamento de Penados de Belchite, en Her&Mus. Heritage and Museography, 2017, 18, p. 23-40.
Vinclos externos
Categoría:Escenografos de Catalunya Categoría:Muertos en Barcelona Categoría:Naixius de Barcelona Categoría:Pintors de Catalunya Categoría:1882 (naixencias) Categoría:1961 (muertes)