Altomünster (en bavaro Altomünsta) ye una ciudat de mercau de Bavera, Alemanya. Se troba en o districto de Dachau.
Toponimía O nombre d'o lugar deriva d'o suyo fundador, o santo Alto, y d'a parola latina monasterium (en antigo alemán Munistri) pa monesterio. Wolf-Armin Freiherr von Reitzenstein Lexikon bayerischer Ortsnamen, Beck Verlag, 2006, , p.16
Historia Arredol de 750, un monche clamau Alto s'establió como que santero en ista redolada. O rei d'os francos Pepin III le dio una selva cercana, que encara leva o nombre "Altowald" (Selva d'Alto). Dimpués, Alto fundó un chicot monesterio, que a suya ilesia se diz que estió consagrada per o Santo Bonifacio.
Arredol de 1310, os duques de Wittelsbach atorgoron dreitos civils a os residents. O 4 d'octubre de 1391, o duque Stephan III confirmó os dreitos d'o mercau y d'a ciudat. Arredol de 1420, os duques de Ingolstadt creyoron o mercau.
En 1496, o duque George Landshut de conchunta con a suya esposa Hedwig de Polonia le entregoron a Santa Birgitten de Maihingen una escritura de fundación d'Altomünster pa fundar astí un monesterio femenino.
L'actual monesterio y a suya ilesia parroquial estioron construius por Johann Michael Fischer de 1763 a 1773. Jakob Rauch creyó a obra d'estuco, Josef Mages os frescos y retablos, Johann Baptist Straub y Ignaz Baldauf os retablos.
O monesterio estió disuelto o 18 de marzo de 1803. Dimpués d'a secularización de 1803, o monesterio estió reconstruiu por o rei Lois I de Bavera en 1841.
A partir de 1823, Altomünster se enfongó economicament a causa d'o zarre d'o monesterio (1803) que yera l'empleador prencipal d'o lugar. Encara o 18 d'aviento de 1913, s'ubrió a linia de ferrocarril local Dachau - Altomünster.
Dimpués d'a segunda guerra mundial numbrosos refuchiaus alemans s'asentoron astí.
Alcaldes Lista d'alcaldes democraticos dende 1945: +LechislaturaNombrePartiu politico2014-hueAnton Kerle CSU
Puestos d'intrés Monesterio d'Altomünster (Kloster Altomünster). Kalvarienbergkapelle. Loretokapelle. Brauereigasthof Kapplerbräu. Brauereigasthof Maierbräu. Museum Altomünster. Gaudnek-Museum.
Ciudaz achirmanadas Nagyvenyim (Hongría).
Referencias
Categoría:Localidaz de Bavera