Alaun (en escritura iberica 34px) yera una ciudat ibera que se trobaba en o puesto de l'actual Alagón, encara que no s'ha puesto localizar o chacimiento. Se considera que perteneixió a o pueblo prerromano d'os sedetans, encara que bellas fuents tamién afirman que pudo haber perteneixiu a os lusons, pueblo celtibero, por trobar-se amán d'a muga entre istos dos grupos. O testimonio de Claudio Ptolomeu sinyala que tamién pudo perteneixer a os bascons en bella epoca d'a suya historia, talment en tiempos de Gneu Pompeyo Magno, arredol d'o 70 aC.
Ceca Alaun cudió nomás monedas de bronce. As unidaz presentan en l'anverso una cabeza imberbe rodiada por tres delfins y en o reverso un chinete con una palma. En os divisors, metatz y quartos apareixe a mesma iconograía en l'anverso, mientres que en o reverso d'as primeras se troba un caballo galopiando y as segundas un meyo pegaso con chinete.
Vinclos externos La ceca de Alaun. Luis Amela Valverde. Revista Numismática Hécate Nº5.
Categoría:Ciudaz iberas en Aragón