Muro yera un lugar medieval situau en l'actual municipio de Samianigo, amán d'o lugar de Borrés, en a val Ancha.
Toponimia Iste toponimo deriva dreitament, como o suyo propio nombre indica, d'o latín MURUS con o mesmo significau de "muro", "esfensa". Geografía medieval de Serrablo. José Miguel Navarro López. Colección «A Lazena de yaya», 15.
Historia A primera vegada que apareixe documentau ye en marzo de l'anyo 1202 en o estatuto de división d'os biens d'a seu de Sant Pero de Chaca en mensa capitular y mensa episcopal:
Chusto un sieglo dimpués, o 21 de marzo de 1302, Miguel de Muro, prior d'a seu de Sant Pero de Chaca, entrega en testamento un campo a Brun López, hespitalero de Santa Cristina de Somport. O 29 de mayo de 1329, en un documento escrito ya en romance aragonés, Domingo d'Ipas y a suya muller venden a Chuan de Pardenilla cualques d'as suyas posesions en Muro:
O día 20 d'aviento de 1397 o rei Martín I d'Aragón ordenaba a incorporación de cuantas aldeyas, entre as que i yera Muro, a la Corona y a ciudat de Chaca, pa que ista podese reconstruyir as suyas murallas y esfensas, quedando dende alavez istas aldeyas baixo protección chaquesa en caso de guerra. Sería mas tardi, o 13 d'agosto de 1446 cuan Alifonso V d'Aragón confirmaria a incorporación.
Ignacio Jordán de Asso nombra a Muro en a suya lista de despoblaus d'o districto de Chaca, encara que lo sitúa incorrectament entre Larrés, Borrés y Isín.
Referencias
Categoría:Despoblaus medievals d'a provincia de Uesca Categoría:Lugars desapareixius de Samianigo