Dornier Do 217 ye un bombardero desarrollau por Dornier Flugzeugwerke. O suyo primer vuelo estió en 1938. Jane's Encyclopedia of Aviation, Random House, 1993, ISBN 978-0517103169 Tien dos motors Daimler-Benz DB 603A , una velocidat maxima de 560 km/h y capacidat d'aventar dica 4000 kg de bombas. S'han construyiu 1925 unidaz.
O Dornier Do 217 teneba una capacidat de carga de bombas muito mayor y teneba un alcanz muito mayor que o Do 17. En variants posteriors, s' experimentó con as capacidaz de bombardeyo en picau y ataque maritimo utilizando bombas eslizants, aconseguindo un exito considerable. As primeras variants de Do 217 yeran mas poderosas que os suyos contemporanios Heinkel He 111 y Junkers Ju 88, y teneban una mayor velocidat, alcanz y carga de bombas. A causa d'isto, se le clamó bombardero pesau en cuenta de bombardero meyo. O Do 217 sirvió en toz os frents en toz os rols. En o frent oriental y o frent occidental operaba como bombardero estratechico, bombardero torpedero y avión de reconoixencia. Tamién realizó operacions tacticas, ya sía asalto terrestre directo u ataques anti-buque mientres a Batalla de l'Atlantico y a Batalla de Normandía. O Do 217 tamién se convirtió en un caza nocturno y veyió una acción considerable en a campanya d' Esfensa d'o Reich dica o final d' a guerra.
L'avión tamién sirvió en unidaz anti-buque en a mar Mediterrania, atacando convois aliaus y unidaz navals mientres a Batalla d'a Mediterrania. En 1943, o Do 217 estió o primer avión en desplegar una munición guiada con precisión en combate, cuan as bombas radioguiadas Fritz X fundioron l' acorazado italiano Roma en a Mediterrania. Dimpués d'o final d' a guerra, a lo menos un Dornier Do 217 continó en o servicio operativo militar con a Fuerza Aeria Suiza dica 1946.
Referencias
Categoría:Bombarders Do 217 Do 217