Iste articlo trata sobre Moriello de San Pietro. Ta atros emplegos d'o toponimo Moriello se veiga Moriello (desambigación).
(Morillo de Sampietro, Murillo de San Pedro, u Morillo de San Pedro en castellano) ye un nuclio antigo y isolau en a boca d'a Val de Vio. L'acceso ye prou complicau, sin carretera, nomás se i puede plegar por bella pista forestal crebada en bellas partes por escorrenteras d'augua, con trazo dificil, mesmo ta os tot terrenos.
O nuclio ye fincau a l'alto d'un cinglo calsinoso, de grande espectacularidat, a'l canto de l'obago d'a Sarra de Sant Visorio, y cuasi embolicau de bosques de pín royo y caixicos. O riu Yesa trestalla la val, deixando la carretera d'Anyisclo a o costau oposau, fendo vía ta Fiscal y Vio dica Escalona remaneixe Moriello tasament veyible.
A chents d'as redoladas charran que lo lugar plego a tener mas de bel centenar d'habitants, repartius en a escasa vintena de casas d'o lugar, en a suya buena epoca. Alavez a economía yera basada en a fusta y a ganadería ovina. D'ista epoca (sieglos XVII enta o XIX) ye datada a enamplación d'a ilesia parroquial d'o Sieglo XI, que hue ha estau eliminada, cuan a suya zaguera restauración en l'anyo 2002, en favor d'a presentación d'una chicolona capiella muito mas fidel a os suyos oríchens medievals.
Toponimia S'escribiba sin l'apelativo San Pietro dica 1646.
Ilesia
A ilesia parroquial ye modesta y chicolona, con formas clarament romanicas. En o suyo interior, acubilla unos cuantos frescos romanicos que incluyen un pantocrátor, que tristament ye hue feto trazas, y bel motivo relichioso y social d'a epoca. Se i pueden destacar bel escudo d'o Signum Nostri d'Aragón, con 3 barras. thumb|center|500px|L'antiga ilesia de Moriello de San Pietro, medieval romanica. Una d'as mas antigas de Sobrarbe. thumb|right|250px|L'interior d'a nau d'a ilesia, huei vueda de cadieras.
Categoría:Lugars de Boltanya Categoría:Localidaz d'a diocesi de Balbastro-Monzón en Sobrarbe