Santa María de la Nuez u de la Noguera (Santa María de la Nuez en castellano) ye un lugar d'o municipio de Barcabo, en Sobrarbe (Uesca). A suya población yera de 8 habitants en o zaguer censo que se i fació.
Amás d'o lugar, se i alza lo monasterio-santuario de la santa de la noguera, d'o sieglo XVI, centro espiritual d'as tierras d'o Viello Sobrarbe.
Diz a falordia que una imachen de la virchen María, que alzaba una rameta verda cargada de fruitas en a suya mano, se trobó en o corazón d'una viella noguera a iste lugar, en o momento de sarrallar l'arbol. O miraglo ganó tanta afección d'entre as chents d'a redolada que se construyió l'actual santuario ta acubillar a figureta.
A talla orichinal d'ista virchen, d'o sieglo XVI fue expoliada en a Guerra Civil espanyola, y en substitución d'ella i hai actualment una talla moderna.
thumb|250px|right|O santuario de Santa María de ra Noguera.
Fiastas 8 de setiembre; Fiasta Mayor, fendo honor a la Virchen de la Noguera, se fa amás una romería d'os lugars d'a redolada. Sta. María de la Nuez, en TurismoBarcabo.es Día dominche de Pentecosta (chunio); romería enta o santuario dende atros lugars d'a redolada.
Referencias
Vinclos externos
Categoría:Localidaz d'a diocesi de Uesca en Sobrarbe Categoría:Lugars de Barcabo