O macizo de Pico Moros (en francés massif de Balaïtous) ye un macizo d'a cordelera d'os Pireneus, situau sobre a muga entre Aragón y Francia, entre os departamentos d'os Altos Pireneus (rechión d'Occitania) y os Pireneus Atlanticos (rechión de Nueva Aquitania) en Francia, y a provincia de Uesca (Alto Galligo) en Aragón. Mide 16,5 km de largaria por 14,5 km d'amplaria, y remata en o pico Moros a 3.144 m.
Ye o primer macizo pirenenco en pasar d'os 3.000 m dende l'Atlantico.
Cheolochicament parlando, a causa d'a naturaleza plutonica d'as suyas rocas y d'a suya posición central en a cordelera, o macizo de Pico Moros fa parti d'a zona axial d'os Pireneus Cartes géologiques de France. Bureau de recherches géologiques et minières..
Cheografía Ye un macizo situau en a muga entre Aragón y Francia a o livel d'os departamentos d'os Pireneus Atlanticos y d'os Altos Pireneus en a cota norte, y d'a comarca de l'Alto Galligo (municipio de Sallent de Galligo) a o sud. O macizo ye amugau por as siguients vals bien definidas: a l'ueste por a val d'Osal que baixa dende o Portalet de ra Nieu a o livel d'a crencha que marca a muga entre Aragón y Biarn. a l'este por a val d'Arrens que baixa dende a Peira Sant Martín. a o sud por as vals de Tena y d'o río Gualempeda que s'unen en Sallent de Galligo. a o norte por o macizo de Ger (tamién dito macizo d'o Pic de Ger, macizo de Goreta u macizo d'Aigas Bonas) que ye un macizo calcario Sélection de randonnées dans le massif du Balaïtous. Carnet de randonnées dans les Pyrénées.. No bi ha una val definida que desepare o macizo de Ger d'o macizo de Pico Moros, sino mas bien un descenso gradual seguido d'una puyada.
Prencipals cimas + Pico Altaria (metros) Coordenadas Pico Moros Punda Alta de ras Frondiellas Frondiella Central O Casterillet Agulla d'Ussel Cap Peytier-Hossard Pico Central de Casterillet Pico de Palas Punta Respomuso Gavizo Cristals Demeure Soulé Punta Saliecho Pico d'Artosta
Cheolochía As rocas actuals de superficie son compuestas d'estratos cheolochicos formaus por rocas sedimentarias, depositadas en o curso d'os periodos Devonián-Carbonifero y de rocas plutonicas (granito) formando o plutón de Cautarès.
En o Paleocheno, de -66 a -23 Ma, o desplazamiento enta o norte d'a placa africana traye tamién a placa iberica. Astí, situada entre a placa africana a o sud y a placa eurasiatica a o norte, dentró en colisión con ellas, formando o sistema betico a o sud y a cadena d'os Pireneus a o norte. A o livel d'a zona d'o macizo de Pico Moros, as rocas son alavez progresivament comprimidas y devantadas en altaria entre -53 y -33 Ma mientres l'Eoceno, dimpués a erosión sacó as rocas sedimentarias pa i deixar a la vista as rocas plutonicas actuals, muito mas duras Formation des Pyrénées. Raymond Mirouse. Geolval.
Referencias
*