La sierra de Penya Alta ye una aliniación montanyosa de lo Sistema Iberico que fa parte la branca aragonesa.
La superficie de la sierra Penya Alta perteneixe a los termins municipals de Val de Sant Martín, Castellón de Tornos, Tornos, Berrueco, Gallocanta y Santet (ordenaus en sentiu horario).
Altarias La principal altaria ye Valdelacasa (1.395 m), seguida de penya Alta (1.377 m), penya Grande (1.391 m), Los Poyatos (1.300 m), La Silla (1.217 m) y penya Lobera (1.129 m).
Toponimia L'oronimo sierra de Penya Alta se refiere a la penya homonima. Unatra denominación ye sierra de Valdelacasa. José Luis Peña Monné, Luis Alberto Longares Aladrén, Marta Espinalt Brillas: Paisajes naturales de la provincia de Teruel. Guía del medio natural. Instituto de Estudios Turolenses, 2000. . p. 138.
Situación respecto las sierras y vals de la redolada La sierra de Penya Alta ye paralela a lo cabo sudoriental de la sierra de Santa Cruz. En Santet un portiello desparte lo cabo nordoccidental de la sierra de Penya Alta y un sarrau que baixa a'l biés dende la sierra de Santa Cruz. Por ixe portiello pasa un curso d'augua menor resultau de complegar los arrigachos de l'Aldeyuela y d'el Royo.
Hidrolochía La vertient sudoccidental de la sierra desaugua enta la cuenca endorreica de Gallocanta a traviés de bel barranco, la vertient nordoriental tamién pero a traviés de l'arrigacho d'el Royo a lo norte y la cequia Madre a lo sud.
Cheolochía Los materials paleozoicos d'esta sierra perteneixen a lo macizo d'Ateca con afloramiento tanto de materials mayoritarios cambrians y ordovicians inferiors d'este macizo ("Series Ibericas") como de la celebre formación de quarzarenitas ordovicianas dita "Quarcita armoricana". Instituto Geológico y Minero de España: Libro Jubilar J.M.Rios. Geología de España Tomo I. Instituto Geológico y Minero de España, 1983. pp 522-523.
Referencias
Bibliografía Instituto Geológico y Minero de España: Libro Jubilar J.M.Rios. Geología de España Tomo I. Instituto Geológico y Minero de España, 1983. Instituto Geológico y Minero de España: Mapa Geológico de España E 1:50.000. Daroca. Fuella 465 (26-18). Servicio de publicaciones de Ministerio de Industria y Energía, 1983. Instituto Geológico y Minero de España: Mapa Geológico de España E 1:50.000. Calamocha. Fuella 491 (26-19). Servicio de publicaciones de Ministerio de Industria y Energía, 1983. José Luis Peña Monné et al.: Geomorfología de la Provincia de Teruel. Instituto de Estudios Turolenses, 1984. José Luis Peña Monné, Luis Alberto Longares Aladrén, Marta Espinalt Brillas: Paisajes naturales de la provincia de Teruel. Guía del medio natural. Instituto de Estudios Turolenses, 2000. Eduardo Viñuales Cobos: Red Natural de Aragón. Campo de Daroca. nº 24. Prames, 2008. Eduardo Viñuales Cobos: Red Natural de Aragón. Jiloca. nº 18. Prames, 2007.
*