O bonobo u chimpancé pigmeu ( (Schwarz, 1929) Groves CP (2005). Wilson DE, Reeder DM (eds.). Mammal Species of the World: A Taxonomic and Geographic Reference. Baltimore: Johns Hopkins University Press. p. 183. .) ye un mamifero d'a orden d'os Primates y familia Hominidae que se distingue per patas relativament largas, morros rosaus, rostro fosco, floco de coda dica a suya edat adulta y cabello luengo con raya en o tozuelo. Lo bonobo se troba en un aria de 500.000 km² d'a cuenca d'o Congo en a Republica Democratica d'o Congo, en Africa Central. A especie ye fruchivora y habita selvas primarias y secundarias, incluyidas selvas paulencas inundadas estacionalment. A resultas d'a inestabilidat politica en a rechión y a tutonería d'os bonobos, s'ha realizau relativament poco treballo de campo en a observación d'a especie en o suyo habitat natural.
De conchunta con o chimpancé común, o bonobo ye lo que existe mas amanau a los humans. Como as dos especies no son nadadors competents, a formación d'o río Congo fa 1,5–2 millons d'anyadas posiblement condució a la especiación d'o bonobo. Os bonobos viven a lo sud d'o río y, per lo tanto, se deseparoron d'os antipasaus d'o chimpancé común, que vive a lo norte d'o río. No i hai datos concretos sobre as cifras de población, pero a estimación ye d'entre 29.500 y 50.000 individuos. A especie figura como "En periglo d'extinción" en a Lista Roya d'a IUCN y ye menazada per a destrucción d'o suyo habitat y lo creiximiento y o movimiento d'a población humana, encara que a caza furtiva comercial ye a menaza mas important. Os bonobos gosan vivir 40 anyadas d'edat en cativerio; se desconoixe a suya esperanza de vida en a naturaleza, pero ye cuasi seguranza que sía muito mas curta. Rowe N (1996). Pictural Guide to the Living Primates. West Hampton: Pogonias Press. .
Referencias
Vinclos externos
Paniscus