L'encarnarueloCon as variants encarnagüel, encarnagüelo, encarnagüell, encarnagüello y encarnazuel. u chicoina falsaCon as variants chicoria falsa y chocaina falsa. ( (F.H.Wigg., 1780) Taraxacum officinale en tropicos.org), tamién conoixida como camarrocha Rafel Vidaller Tricas: Libro de As Matas y Os Animals; Dizionario aragonés d'espezies animals y bechetals, Edicions Val d'Onsera, 2004, , p.96.Con a variant carramocha documentada en Castillón de Monegros., ye una especie de planta d'a orden d'os Asterales y familia Asteraceae que ye bien conoixida per as suyas flors amariellas que se converten en bolas redondas de muitas fruitas platiadas que s'esparden con l'aire.
L'encarnaruelo creix en as rechions templadas d'o mundo en a tasca y en os cantos d'as carreteras, as marguinas d'os cursos d'augua y atras arias con soleros humidos. L'encarnaruelo se considera con mayor frecuencia una broza, especialment en a tasca y a lo largo d'os camins, pero as fuellas, as flors y as radices a vegadas se fan servir en a medicina herbal u como birolla.
thumb|200px|left|Un nino bufa la bola de fruitos d'un encarnaruelo.
Nombres Se conoixe como encarnaruel en a val de Chistau, como encarnagüelo en Labata, Panzano y Sietemo y como encarnagüell en Castilló de Sos, Espés y Saúnc. A variant mas estendillada en Sobrarbe ye carnaruelo, a on tamién se rechistra carnarol en lugars como Broto, Fiscal, Oto, Torla y a val de Vio, asinas como en a villa de Sallent de Galligo. En a val de Tena a variant mas cheneralizada ye carnagüelo, rechistrada en Biescas, Búbal, Pandicosa y Polituara, forma tamién rechistrada en Labata y Rodellar. A forma carnigüelo ye propia d'o Semontano de Balbastro y Litera, rechistrando-se en lugars como Boleya, Capella, Castillón d'o Puent, Forniellos d'Apiés, Pomar de Cinca, Salas Altas, Selgua y Zanui. Existen tamién as variants carnanuelo, rechistrada en abi, carneroles, propia de Sarrablo y carnibuelo, documentada en Tella. En a zona de Turbón se conoixe como carrigüelos, en Pandicosa como carnabollo y en lugars como Broto, Fiscal, Lanuza y Torla ye conoixiu como carnabol.
A denominación de chicoina José Vicente Ferrández Palacio: La flora y vegetación del valle de Chistau, pp. 325-337, Revista del Centro de Estudios de Sobrarbe n°11 (PDF),2007,ISSN 1136-4173 ye rechistrada en a Fueva y as vals de Chistau y Lierp, asinas como en lugars como Ansó, Benás, Fontchanina, Gabás, La Puebla de Castro, Sesué y Sant Feliu de Veri. Ye chocaina en Abiego, Alcoleya de Cinca, Salas Altas y Santalecina y chucaina en Monzón. En Ansó y Echo se rechistra a forma chicoira y en a zona de Turbón, Campo, val de Barrabés y Castanesa chicoya.
Se diz ensalada silvestre en Alins y ensaladeta en Lanacha. Un atra forma ye perdegón, rechistrada en Labata y Echo, a on tamién se rechistra a forma moscallonera. En Argavieso, Sietemo y Uesca a suya flor ye conoixida como pixaperros y en Ansó como pixacamas. Existe tamién a forma relacionada pixatina y se'n dicen flores de pixar en Isún de Basa. Atras variants son picadeta en Campo y a zona de Turbón y picaina en a vall de Lierp.
Atras denominacions son marranchanchina y pasalipiés. Os suyos fruitos se conoixen de cuantas formas como anchelets en Sarllé, voladors en Fontchanina y farols u farolez en Sietemo.
Notas
Referencias
Vinclos externos
Categoría:Taraxacum Categoría:Hierbas presents en Aragón