As Corz de Monzón-Tamarit de Litera-Fraga de 1383-1384 estioron unas Corz Chenerals d'Aragón que fuoron convocadas por Pero IV d'Aragón, estando en Alzira, o día 2 de chulio de 1382, pa celebrar-se o 30 de setiembre en Monzón u en Gandesa, seguntes a voluntat reyal. Cuan o rei se decidió por Gandesa, os aragonesos s'oponioron, y o 24 d'abril de 1383, dende Tortosa, torna a convocar Corz en Monzón pa o 15 de mayo, y posposadas cuantas vegadas, fuoron inauguradas solemnement o 12 de chunio en a sala mayor d'o castiello de Monzón, con a proposición a o parlamento d'o rei. O 20 de febrero de 1384 as Corz, por un brot de peste, prencipiaban as sesions en Tamarit de Litera; y por o mesmo motivo, se mueven ta Fraga, a on prencipian as sesions o 28 de mayo, y rematan o 4 de chulio de 1384, zaguera sesión conoixida, prolargando-se posteriorment pero sin tornar-se a convocar nunca mas.Baiges i Jardí 1992: pp. XIII-XIV.Zurita 1610: fol. 381r.Montesa 1862: pp. 142-144.Real Academia de la Historia 1853: pp. 110-111.
Istas Corz las convoca o rei pa aconseguir d'os representants d'os suyos estaus un donativo que le permita mantener o esfuerzo belico en a isla de Cerdenya; os representants estamentals compareixen con un important agreviamiento, una acusación de lesa machestat contra cuantos consellers d'o rei y de l'infant Chuan, y a inculpación de cuantos oficials reyals por corrupción.Baiges i Jardí 1992: p. XIV.
En istas Corz, os representants d'os distintos territoris compareixen conchuntament en a mayor parti d'as sesions. Y en as negociacions mas importants, a concesión d'o donativo y as denuncias d'as Corts contra os consellers y oficials reyals, encara que se nombran representants de cadagún d'os brazos de cada territorio, a negociación tamién se fa de forma conchunta.Baiges i Jardí 1992: pp. 73-285.
Corz d'Aragón En a zaguera convocatoria d'as Corz, o 24 d'abril de 1383, se requiere a presencia de 19 miembros d'o brazo eclesiastico (o rechent de l'arcebispe de Zaragoza, por estar en seu vacant, os bispes de Uesca, Tarazona, y Segorb-Albarracín, os comendadors de Mont Albán y Alcanyiz, o castellano d'Amposta, os abaz de Rueda, Mont Aragón, Sant Veturián, Piedra, Sant Chuan d'a Penya, Veruela y Fuents Claras, o prior de Santa Cristina, y os priors y capítols d'as seus de Zaragoza, Segorb-Albarracín, Tarazona y Uesca); 15 miembros de l'alta nobleza; 23 d'a chicota nobleza; y representants de 24 ciudaz, villas y comunidaz d'aldeyas reyals (as ciudaz de Zaragoza, Tarazona, Balbastro, Uesca, Albarracín, Teruel, Daroca, Chaca y Calatayú, as villas d'Uncastiello, Taust, Sos, Almudévar, Exeya, Sadaba, Zuera, Mont Albán, Alcanyiz, L'Aínsa, Monzón y Tamarit de Litera, y as comunidaz d'aldeyas de Calatayú, Daroca y Teruel).Baiges i Jardí 1992: pp. 31-35.
En istas Corz no s'apreba dengún fuero ni dengún acto de Cort.En as recopilacions de 1496 y 1866 d'os fueros no apareixe denguna disposición legal y, por tanto, no se fa denguna mención a istas Corz. (Fori regni Aragonum 1496. Savall y Dronda 1866: pp. XVII-XVIII).
Referencias
Vinclos externos Actas d'as Corz de Monzón-Tamarit de Litera-Fraga de 1383-1384
Monzón-Fraga 1383 Monzón-Fraga 1383 Monzón-Fraga 1383 Monzón-Fraga 1383 Categoría:Corz d'o Reino d'Aragón celebradas en Monzón Categoría:Corz d'o Reino d'Aragón celebradas en Fraga Categoría:Corz d'o Reino d'Aragón celebradas en Tamarit de Litera 1383 Categoría:1383