La invasión rusa a Ucraína, oficialment denominada per Rusia "operación militar especial en Ucraína" (en ruso, специальная военная операция на Украине) y per Ucraína "agresión rusa contra Ucrania" (en ucrainés, російську агресію проти України), ye un episodio belico en curso a gran escala que prencipió lo 24 de febrero de 2022 y que fa parte d'a guerra ruso-ucrainesa prencipiada en 2014. Cualques fuents sostienen que ye lo mayor ataque militar convencional en suelo europeo dende las guerras yugoslavas, u mesmo dende la Segunda Guerra Mundial, y ha estau comparada con a guerra d'Estaus Unius contra Afganistán, finalizada pocos meses dinantes. Cualques países como China y India, no cualifican l'acto como una invasión.
La invasión estió precedida per una acumulación militar rusa que prencipió en primerías de 2021, entre la cual lo president de Rusia Vladímir Putin, criticó l'ampliación d'a OTAN posterior a 1997 per considerar-la una menaza pa la seguranza d'o suyo país y exichió que se complisen los alcuerdos entre James Baker y Mikhail Gorbachev de 1989, que heban establiu que no s'extendería enta l'Este. Tot y con as acumulacions militars, los funcionarios rusos dende meyaus de noviembre de 2021 dica lo 20 de febrero de 2022 negoron repetidament que Rusia tenese plans d'invadir Ucraína.
Antecedents
Lo conflicto se deriva d'a disputa sobre si Ucraína ye un estau sobirán u no y la reclamación de Rusia como parti d'o suyo territorio.
Mensache televisau de Putin d'o 24 de febrero
Amán d'as tres d'o maitín (UTC) d'o 24 de febrero, s'emitió en as canals rusas un mensache a la Nación de Putin en o que informaba la suya decisión d'encetar una operación militar en o este d'Ucraína ya que, en as suyas parolas, "Rusia no puede sentir-se segura debant d'a menaza ucrainesa". Putin anyadió que intentaría «desmilitarizar y desnazificar Ucraína», chustificando l'agresión militar con l'obchectivo de protecher a «las personas que han estau obchecto d'abusos, chenocidio per parte d'o rechimen de Kiev entre ueito anyos», en referencia a los habitants d'as proclamadas Republica Popular de Lugansk y Republica Popular de Donetsk. Finalment, menazó a la comunidat internacional pa no intervenir en o conflicto:
Invasión thumb|upright=1.5|Mapa animau d'a invasión Lo 24 de febrero, poco antes d'as 06:00 hora de Moscú (UTC+3), Putin anunció que heba preso la decisión de lanzar una "operación militar especial" en l'este d'Ucraína. En o suyo discurso, Putin afirmó que no i heba plans d'oocupar lo territorio ucrainés y que emparaba lo dreito d'os pueblos d'Ucraína a l'autodeterminación. Dició que lo proposito d'a operación yera protecher a la chent en a rechión predominantment de fabla rusa de Dombás que, seguntes Putin, "dende fa ueito anyos, s'han enfrontinau a la rebaixada y lo chenocidio perpetraus per lo rechimen de Kiev". Putin tamién afirmó que Rusia buscaba la "desmilitarización y "desnazificación" d'Ucraína. minutos dimpués de l'anuncio de Putin, se reportoron explosions en Kiev, Khárkiv, Odessa y Dombás.
Immediatament dimpués de l'ataque, Zelenski anunció la introducción d'a lei marcial en Ucraína; ixa mesma nueit ordenó una mobilización cheneral de toz los hombres ucrainians d'entre 18 y 60 anyos. Las tropas rusas ingresoron a Ucraína dende cuatro direccions prencipals: a lo norte dende Belarrusia, endrezaus enta Kiev; a lo nord-este dende Rusia, endrezaus enta Khárkiv; a l'este dende la Republica Popular de Donetsk (RPD) y la Republica Popular de Lugansk (RPL); y a lo sud dende la peninsula de Crimea.
Reaccions Refirme ta Rusia Birmania Nicaragua Siria Venezuela Cuba
Refirme ta Ucraína Gambia Libia Unión Europea Albania
Neutrals Afganistán
Sancions Andorra Estaus Unius Unión Europea
Articlos relacionaus Crisi ruso-ucrainesa de 2021-2022 Guerra ruso-ucrainesa
Se veiga tamién Donetsk Lugansk
Refrencias
Categoría:Guerra ruso-ucrainesa Categoría:Guerras de Rusia Categoría:Guerras d'Ucraína Categoría:Guerras d'o sieglo XXI