A cotornizCon a variant codorniz u gualla Rafel Vidaller Tricas: Libro de As Matas y Os Animals; Dizionario aragonés d'espezies animals y bechetals, Edicons Val d'Onsera, 2004, , p.119.Con as variants guanlla y guailla ( (Linnaeus, 1758) Carl Linnaeus: Systema Naturae per regna tria naturae, secundum classes, ordines, genera, species, cum characteribus, differentiis, synonymis, locis . Vol. 1 . Holmiae (Stockholm): Laurentii Salvii, 1758. p. 161.), tamién dita palpala, ye una especie d'au d'a orden d'os Galliformes y familia Phasianidae que ye chicota y compacta, de 16–18 cm de luengo con una envergadura de 32–35 cm.
Ista ye una especie terrestre, s'alimenta de simients y insectos en o suelo. Ye notoriament dificil de veyer, se mantiene amagada en os cautivos y ye reticent a volar, preferindo esmoscar-se en o suyo puesto.
A cotorniz ye muit cazada en o suyo paso per l'aria mediterrania. Un gran numero se captura en os rez a lo luengo d'a costa mediterrania d'Echipto. S'estima que en 2012, mientres a migración d'agüerro, se capturoron 3,4 millons d'aus en o norte d'o Sinai y talment dica 12,9 millons en tot Echipto.
Si as cotornices han minchau bellas plantas, encara que se debat qué planta, a carne de cotorniz puede estar verenosa, y un de cada cuatro que consumen carne verenosa se malauta de coturnismo, que se caracteriza per dolor muscular y que puede conducir a problemas renals. Korkmaz, İ.; Kukul Güven, F.M.; Eren, Ş.H.; Dogan, Z. (2011). "Quail consumption can be harmful". Journal of Emergency Medicine. 41 (5): 499–502.
Nombres A denominación mas estendillada por a parti occidental de Sobrarbe y por Sobrepuerto ye codorniz, denominación tamién rechistrada en Tramacastiella de Tena y as Corz y en a suya variant conservadera d'a oclusiva xorda, cotorniz, se rechistra en Boltanya, Chistén u a Espunya.
En a parti oriental de Sobrarbe, a Fueva, Ribagorza y o país de l'Isabana a forma mas común ye gualla, documentada en lugars de parla aragonesa ribagorzana como as Corz, Graus u Torres, en o dominio lingüstico benasqués, rechistrada en Benás, Castilló de Sos, Chía, Grist, Llire, Saúnc, Veri, Vilanova y común tamién a lugars de parla catalana ribagorzana como Esdolomada, las Pauls, Sant Istevan de Litera u Tamarit de Litera. A variant guanlla ye rechistrada en Castanesa, Gabás y la Poblla de Roda y guailla se rechistra en a val de Lierp. Existe tamién a denominación palpala, documentada en Uesca capital.
Subspecies C. c. coturnix (Linnaeus, 1758). C. c. conturbans (Hartert, 1917). C. c. inopinata (Hartert, 1917). C. c. africana (Temminck & Schlegel). C. c. erlangeri (Zedlitz, 1912).
Notas
Referencias
Vinclos externos
Categoría:Coturnix Categoría:Aus d'Aragón Categoría:Fauna d'Europa Categoría:Fauna d'Asia Categoría:Fauna d'Africa Categoría:Fauna d'os Pireneus