El Palomar circular de Fuents Claras ye un palomar ubicau en a localidat homónima (Teruel, Aragón, Espanya).
Historia S'estima que estió construyiu en o sieglo XVIII. Los palomares construyius en Aragón tienen clara similitut con os d'o norte de Francia en o sieglo XIV y XV, asinas como con os clamaus pied de mulet (piet de macho) en o sud d'o mesmo país. Manimenos este ye un d'os pocos eixemplos de planta cilindrica d'Aragón, chunto a lo de Torralba de los Sisons y lo de Estercuel (ya desapareixiu). Souto Oliva, Mercedes: Palomares en el sur de Aragón. Las tierras del Jiloca, p. 47. Souto Oliva, Mercedes: Palomares en el sur de Aragón. Las tierras del Jiloca, p. 68.
Descripción Lo palomar ye situau a las afueras d'o nuclio de población, a lo costau d'o esbarro d'acceso a la población dende la carretera cheneral N-234. Se tracta d'una torre de planta circular construyida en mampostería y cubierta externament per medio de revestimiento de argamasa orichinal que encara conserva. La dentrada estió adintelada con una viga de fusta y s'usoron sillares mas voluminosos pa la suya construcción. Tiene un perímetro de 20,85 metros y grosor de muros de 70 centímetros. Souto Oliva, Mercedes: Palomares en el sur de Aragón. Las tierras del Jiloca, p. 113.
La parte superior de l'edificio la corona un muro semicircular, alzau a modo de cortavientos, con dos pináculos en cada cabo. Manimenos carece de cupula y torrecillas, elementos habituals en este tipo d'edificios. Se divide interiorment en tres plantas. La planta baixa funciona como almacén y las dos superiors, a las cuals s'accede per medio d'escaleras de fusta, han serviu como palomar. En cada piso los nidales se distribuyiban en dos y tres ringleras de tellas invertidas, recorrendo lo muro interior.
La suya función basica yera la cría d'o pichón, asinas se manteneba tierna la suya carne y se preparaban pa consumo humano per medio de guiso, en conserva en aceite u en escabeche. Se consumiban localment dimpués d'as fayenas d'o campo u pa llevar como conserva en fredo. Souto Oliva, Mercedes: Palomares en el sur de Aragón. Las tierras del Jiloca, p. 63. Lo suyo estau actual ye precario. Lo techo s'ha perdiu en parte, asinas como la base, afectada per humedades.
Referencias
Bibliografía Souto Oliva, Mercedes (2004): Palomares en el sur de Aragón. Las tierras del Jiloca. Calamocha: Centro de Estudios del Jiloca (El Patrimonio Olvidado, 2). ISSN 84-609-1598-0 .
Categoría:Fuents Claras Categoría:Molimentos d'a provincia de Teruel Categoría:Molimentos d'o Xiloca