Iste articlo ye sobre una cinta estausunidense de 1948; ta atros usos, se veiga Fort Apache.

Fort Apache (títol orichinal en anglés, estrenada en Aragón con o suyo títol orichinal) ye una cinta de cine de western de cine estausunidense de l'anyo 1948 dirichida por John Ford y que ye la primera d'as tres suyas cintas que conforman a clamada trilochía d'a caballería chunto con She Wore a Yellow Ribbon (1949) y Rio Grande (1950). O guión d'a cinta ye de Frank S. Nugent, adaptau de Massacre, un relato publicau en a revista The Saturday Evening Post por James Warner Bellah en 1947. Producida por Merian C. Cooper y por o mesmo director John Ford ta la productora Argosy Pictures, la dirección de fotografía d'a cinta ye d'Archie Stout y William H. Clothier (iste zaguero no acreditau) y la Banda Sonora Orichinal ye obra de Richard Hageman. En l'elenco d'actors d'a cinta amanixen, entre d'atros, John Wayne, Henry Fonda, Shirley Temple, John Agar, Ward Bond, Irene Rich, Anna Lee, George O'Brien, Mae Marsh, Victor McLaglen, Dick Foran y Pedro Armendáriz.

Ista estió una d'as primeras cintas d'o cine estausunidense que presentaban una visión no negativa y prou respectuosa respective d'os amerindios, que dica l'inte lo cine estausunidense amostraba con estereotipos muit negativos. Dave Kehr: How the West Was Filled With Loss en The New York Times.

Fort Apache s'ambienta en os anyos 1870 en o estau d'Arizona.

Se tracta d'una cinta que ha recibiu bels premios y nominacions, encara que garra d'éls no perteneixe a los premios ms conoixius u destacaus d'o panorama cinematografico internacional.

Argumento En rematar a Guerra Civil Estausunidense, toz asperan que lo veterán capitán Kirby York, a qui toz respectan, se converta en o nuevo comandant de Fort Apache, situau en a Reserva India de Fort Apache, en un puesto remoto d'Arizona a on nomás bi ha que una chicota unidat de Caballería de l'exercito estausunidense. York heba estau mientres a guerra coronel d'un rechimiento y yera bien cualificau ta mandar en o fuerte. Tanimientres, a rapafui l'exercito ha decidiu atorgar lo mando a lo tenient coronel Owen Thursday, graduau de l'Academia Militar de West Point y que mientres a zaguer guerra civil heba estau cheneral. Thursday marcha enta lo suyo destín a remo, en considerar que mereixe un millor tracto, y amuestra ascape un caracter papitieso y soberbio; antiparte, mai no ha tractau con os amerindios ni en conoixe garra d'as suyas costumbres, tradicions y formas de luitar.

A Thursday, que ye viduo, l'acompanya su filla Philadelphia, con un carácter radicalment diferent, y que destaca por a suya simpatía. Bien luego pai y filla troban a lo choven tenient Michael Shannon O'Rourke, qui marcha dende l'Academia de West Point enta lo suyo primer destín como segundo tenient chustament en Fort Apache, en estar lo fillo d'o sarchento mayor Michael O'Rourke, qui en ye destinau tamién. Bien luego entre los dos chóvens naixe una atracción amorosa, encara que ixo no li cuaca pas guaire a lo pai d'a mesacha. Thursday no considera que un segundo tenient fillo d'un sarchento pueda tener un livel suficient para casar-se con a suya filla, encara que o sarchento O'Rourke mientres a guerra heba mandau la Brigada Irlandesa y heba recibiu la Medalla d'Honor d'o Congreso, que li atorgaba lo dreito de ninviar a lo suyo fillo en l'Academia de West Point.

Bien luego de plegar o nuevo comandant en o fuerte, esclatan problemas con os indios apaches d'a reserva mandaus por Cochise, en estar los indios malcontentos por as actividaz d'o corrupto Silas Meacham, achent d'o Gubierno d'Estaus Unius en a reserva. Owen Thursday aplica rigorosament punto por punto as ordenanzas militars y considera que li pertoca protecher a Meacham, encara que se li rechiren os budiellos en fer-lo, y lo fa en contra d'os consellos d'o capitán Kirby York, qui li diz que lo millor ye tractar a las tribus con respecto y remediar os mals causaus por l'achent corrupto.

En zagueras, Cochise considera que lo suyo pueblo no puet continar asperando y decide albandonar a reserva y principiar una luita contra l'exercito. Una vegada mas Thursday no quiere ascuitar os consellos de Kirby y decide marchar con a mayor parte d'as tropas d'o fuerte contra Cochise ta ganar-ie gloria y honors.

Rodache O rodache d'as escenas exteriors se fació en a suya mayor parte en Monument Valley d'Arizona, encara que las escenas d'o propio Fort Apache se rodoron en o rancho Corriganville Movie Ranch, en California, a on se i debantó dende zero lo Fort Apache que amanixe en a cinta.

L'encuadre d'as imáchens d'a cinta s'inspira en os treballos pictoricos d'o pintor estausunidense Frederic Remington sobre escenas d'a vida cotidiana en o Far West, encara que en estar una cinta en blanco y negro no puet amostrar-se con plenitut ixa caracteristica, que sí se consigue plenament en a segunda cinta d'a trilochía d'a Caballería, She Wore a Yellow Ribbon, ya rodada en color, a on lo suyo director de fotografía, Winton C. Hoch, consiguió que li concedisen l'Oscar a la Millor Fotografía. Elenco* Fort Apache en Internet Movie Database. Actor Papel Notas John Wayne Capitán Kirby York Henry Fonda Tenient coronel Owen Thursday Shirley Temple Philadelphia Thursday Pedro Armendáriz Sarchento Beaufort Ward Bond Sarchento mayor Michael O'Rourke George O'Brien Capitán Sam Collingwood Victor McLaglen Sarchento Festus Mulcahy Anna Lee Mrs. Emily Collingwood Irene Rich Mrs. Mary O'Rourke Dick Foran Sarchento Quincannon Guy Kibbee Capitán medico Wilkens Grant Withers Silas Meacham Jack Pennick Sarchento Daniel Schattuck Ray Hyke Recruta Movita Guadalupe Miguel Inclán Cochise Mary Gordon Ma, cambrera Philip Kieffer Soldau d'a Caballería Mae Marsh Esposa d'un oficial Hank Worden Recruta sudista John Agar Segundo tenient Michael Shannon O'Rourke Abdullah Abbas Oficial en o baile No acreditau Danny Borzage Recruta con mostaixa / Acordonista en a serenata No acreditau Cliff Clark Conductor No acreditau Jane Crowley Esposa d'un oficial No acreditada Frank Ferguson Periodista No acreditau Francis Ford Fen, sentinela No acreditau William Forrest Periodista No acreditau Fred Graham Soldau d'a Caballería No acreditau Bobbie Hale Oficial en o baile No acreditau Frank McGrath Cabo Derice No acreditau Clyde McLeod Oficial en o baile No acreditau Russell Meeker Oficial en o baile No acreditau Al Murphy Director d'orquesta No acreditau John Rice Oficial en o baile No acreditau Phil Schumacher Soldau No acreditau Allen D. Sewall Oficial en o baile No acreditau Mickey Simpson Suboficial en o baile No acreditau Leslie Sketchley Oficial en o baile No acreditau Brick Sullivan Oficial en o baile No acreditau Harry Tenbrook Tom O'Feeney No acreditau Archie Twitchell Periodista No acreditau Eleanore Vogel Esposa d'un oficial No acreditada

Premios Premio Calendata Edición Categoría Premiau Notas Premios d'o Festival Internacional de Cine de Locarno Ganadors d'os Premios d' Festival Internacional de Cine de Locarno 1948 en a pachina web d'o Festival Internacional de Cine de Locarno. 1948 3era edición Premio a lo Millor Director John Ford 1948 3era edición Premio a la Millor Fotografía en Blanco y Negro Fort Apache Premios Writers Guild of America Ganadors y nominaus d'os Premios WGA 1949 en a pachina web d'Internet Movie Database. 1949 1era edición Nominau a lo Premio a lo Millor Guión de Western Frank S. Nugent

Se veiga tamién Cine en 1948. Cintas de 1948.

Referencias

Vinclos externos

Fort Apache en Internet Movie Database. Fort Apache en TCM Movie Database. Fort Apache en Letterboxd. Fort Apache en AllMovie. Fort Apache en l' American Film Institute Catalog de l'''American Film Institute. Fort Apache en FilmAffinity. Fort Apache en Allociné. Fort Apache en Rotten Tomatoes.

Categoría:Cintas ambientadas en Arizona Categoría:Cintas ambientadas en os anyos 1870 Categoría:Cintas con banda sonora orichinal de Richard Hageman Categoría:Cintas con dirección de fotografía d'Archie Stout Categoría:Cintas con dirección de fotografía de William H. Clothier Categoría:Cintas con guión de Frank S. Nugent Categoría:Cintas con montache de Jack Murray Categoría:Cintas d'Estaus Unius Categoría:Cintas de western Categoría:Cintas dirichidas por John Ford Categoría:Cintas en anglés Categoría:Cintas en blanco y negro Categoría:Cintas interpretadas por Anna Lee Categoría:Cintas interpretadas por Dick Foran Categoría:Cintas interpretadas por George O'Brien Categoría:Cintas interpretadas por Henry Fonda Categoría:Cintas interpretadas por Irene Rich Categoría:Cintas interpretadas por John Agar Categoría:Cintas interpretadas por John Wayne Categoría:Cintas interpretadas por Mae Marsh Categoría:Cintas interpretadas por Pedro Armendáriz Categoría:Cintas interpretadas por Shirley Temple Categoría:Cintas interpretadas por Victor McLaglen Categoría:Cintas interpretadas por Ward Bond Categoría:Cintas producidas por John Ford Categoría:Cintas producidas por Merian C. Cooper Categoría:Cintas rodadas en Arizona Categoría:Cintas rodadas en California