Iste articlo ye sobre una cinta de comedia romantica chovenil anglo-estausunidense-marroquina de 2003; ta atros usos, se veiga What a Girl Wants.
What a Girl Wants (títol orichinal en anglés, en aragonés Ixo que una mesacha quiere, estrenada en Aragón con o títol en castellano de Un sueño para ella, Un sueno ta ella en aragonés) ye una cinta anglo-estausunidense-marroquina de comedia romantica chovenil de l'anyo 2003 dirichida por Dennie Gordon seguntes un guión adaptau por Jenny Bicks y Elizabeth Chandler basau en The Reluctant Debutante, o guión de William Douglas-Home de 1955 que él mesmo adaptó ta la cinta The Reluctant Debutante (1958, Vincente Minnelli). La Banda Sonora Orichinal d'a cinta ye de Rupert Gregson-Williams y la dirección de fotografía d'Andrew Dunn, estando producida por Denise Di Novi, Bill Gerber y Hunt Lowry ta la productoras Di Novi Pictures, Gaylord Films, Gerber Pictures, HSI Tomorrow Film y Sloane Square Films. En l'elenco d'a cinta destacan os actors Amanda Bynes, Colin Firth, Kelly Preston, Eileen Atkins, Anna Chancellor y Jonathan Pryce.
A cinta s'estrenó o 4 d'abril de 2003, en recebindo criticas mixtas, unas favorables y atras no pas, y fació un recaudo discreto de 50,7 millons de dólars, alto u baixo lo doble d'o presupuesto ta la suya filmación. Ambientada en Londres y Nueva York mientres os anyos 2000, What a Girl Wants se filmó en as ciudaz de Nueva York (Nueva York) y Londres (Reino Uniu), en os condaus de Buckinghamshire y Hertfordshire (Anglaterra) y en Marruecos.
Argumento Daphne Reynolds ye una mesacha estausunidense de 17 anyadas que vive con su mai Libby, una cantaire en as ceremonias de voda, en Chinatown (Manhattan, Nueva York). Libby heba conoixiu en Marruecos a Henry Dashwood, un britanico, con qui se casó en una ceremonia beduina de dubdosa legalidat. Dimpués d'a voda heban tornau en Anglaterra y bien luego morió lo pai de Henry, qui recibió en herencio lo títol nobiliario de Lord Dashwood. Alistair Payne, consellero d'a familia y muit intresau en o futuro politico de Henry, decidió enganyar a Libby ta que marchase, en decindo-li que yera millor ta l'esdevenidero politico de Henry y decindo-li amás que yera millor que Henry no sabese que Libby yera embarazada. A Henry li dició que Libby marchaba en estar enamorada d'un atro.
Libby siempre li ha explicau a su filla Daphne qui ye lo suyo pai, pero Daphne se troba una mica vueda en no tener a lo suyo canto a su pai. En rematar os suyos estudios en a escuela segundaria, Daphne decide marchar enta Londres ta conoixer a su pai. Henry fa parte d'a nobleza britanica, tenendo un escanyo en a Cambra d'os lords, pero decide fer uso d'a clamada Peerage Act de 1963 ta renunciar-ne y asinas poder obtener en as eleccions un escanyo en a Cambra d'os comuns con a posibilidat d'esdevenir en un futuro Primer ministro d'o Reino Uniu. Henry recibe lo refirme d'Alistair Payne en iste prochecto; amás Alistair tien una filla, Glynnis, con qui Henry tien un compromiso matrimonial y que ye tan esnob como Clarissa, la filla adolescent de Glynnis.
En plegar en Londres, Daphne se instala en un albiergo a on i conoix a Ian Wallace, un mesache que i treballa en aspirando a triunfar como musico. Ian amuestra a Daphne la ciudat y la suya redolada y bien luego principian a festechar. Finalment, Daphne decide visitar a su pai, qui queda mocau en saber que ye lo pai d'una filla, pero Jocelyne, la mai de Henry, aculle muit favorablement a su nieta y li cede una luxosa cambra, en contra d'a opinión d'Alistair. Henry confirma con Libby la suya paternidat y tracta de connectar con Daphne, y Daphne tracta d'adaptar-se en o cerclo social de su pai, pero Glynnis y la suya filla Clarissa escachifollan terne que terne toz os intentos. Amás, Armistead Stewart, un mesache propotent y arrogant de clase alta (y con qui Ian, lo novio de Daphe, tien una rivalidat bien antiga) molesta a Daphne, dica que ista lo avienta en o río Tamisa.
A moniquet y sin parar cuenta, Daphne se gana a la mas rancia aristocracia con a suya sencilleza y amabilidat, incluyindo-ie a la viella princesa Charlotte, pero d'atra man Henry se troba con una campanya politica negativa por bellas excentricidaz de Daphe, dica que finalment decide demanar-li a Daphne que se comporte mas d'alcuerdo con o que s'aspera d'una mesacha de l'aristocracia britanica y Daphne accepta, millorando ascape las cifras d'acceptación de Henry en as enquestas. Sindembargo, Ian ye una mica decepcionau por iste cambio de Daphne y encara ye pior cuan Daphne marcha enta una fiesta en deixando-lo plantau.
Henry decide organizar a fiesta de presentación de Daphne en sociedat y invitar-ne a Libby ta que i asista. Pero bels momentos antes d'estar presentada, Daphne escuita a Alistair explicar-li a Glynnis cómo podió desfer-se de Libby en enganyando-la ta que marchase feba 17 anyadas. Cuan Daphne se li conchira, Glynnis consigue encerrar-la en una cambra ta que no li explique a Henry. Glynnis dimpués li demana a Ian, qui ye lo cantaire d'o grupo musical que actúa en a fiesta, que anuncie un baile de pai y filla, en sabendo que Daphne no podrá bailar-lo y que Henry se veyerá obligau a bailar con Clarissa, la suya futura fillastra. Libby libera a Daphne d'o suyo encierro, pero cuan iste veye que Henry ye bailando con Clarissa, decide tornar enta los Estaus Unius, deixando asinas lo suyo festecho con Ian.
Poco dimpués, Henry decide albandonar a suya carrera politica y ye nomás que en ixe inte que descubre lo secreto de porqué Libby heba marchau 17 anyadas entazaga. Henry escarapella a Alistair, en deixando-li un uello morau, y creba lo suyo compromiso matrimonial con Glynnis. Falta asinas veyer si conseguirá recomponer a relación con Libby y con Daphne y si d'atra man Ian podrá tornar a festechar con Daphne.
Elenco What a Girl Wants en Internet Movie Database. Actor Papel Notas Kelly Preston Libby Reynolds Soleil McGhee Daphne nina Colin Firth Henry Dashwood Eileen Atkins Jocelyn Dashwood Jonathan Pryce Alistair Payne Peter Reeves Sir John Dashwood James Greene Percy Amanda Bynes Daphne Reynolds Steven Osborne Miembro d'o staff Mike Toller Miembro d'o grupo de Libby Tom Penn Miembro d'o grupo de Libby Tom Goodfellow Miembro d'o grupo de Libby James Bell Miembro d'o grupo de Libby Mindy Lee Raskin Bride Stanley Townsend Pai de Bride Raffaello Degruttola Novio Tara Summers Noelle Newton Boothe Conductor d'o taxi Oliver James Ian Wallace Pieter Vodden Sven Nita Mistry Mesacha en l'albiergo Steven Anderson Periodista de televisión Anna Chancellor Glynnis Payne Christina Cole Clarissa Payne James Woolley Asesor politico James Linton Asesor politico Jonah Russell Policía Ella Desmond Oakley Daphne ninona Peter Hugo Prencipe Charles Matthew Turpin Prencipe William Chris Castle Prencipe Harry Ben Scholfield Armistead Stuart Charlie Beall Rufus Tom Harper Edward Natalie Bromley Jane Stephanie Lane Fiona Bruno Tonioli Anfitrión en o desfile de moda Sylvia Syms Princesa Charlotte Antony Carrick Prencipe Michael Neville Phillips Mozo mayor Roger Ashton-Griffiths Lord Orwood Cassie Powney Peach Orwood Connie Powney Pear Orwood Luke Fredericks Miembro d'o grupo musical d'Ian Tim Fornara Miembro d'o grupo musical d'Ian David Gyasi Miembro d'o grupo musical d'Ian Tom Hanna Miembro d'o grupo musical d'Ian David Temple Miembro d'o grupo musical d'Ian David Whitmey Miembro d'o grupo musical d'Ian Andrew Clarke Chiminuco Peter Clarke Chiminuco Daniel Tuite Periodista Sarah Mark Periodista Victoria Wicks Secretaria de Henry Vernon Preston Duque d'Edimburgo Elizabeth Richard Reina Flaminia Cinque Treballadora d'o catering Matt Acheson Cantaire en a voda en o club de campo Judy Collins Bailarina Ethel Crichlow Bailarina Ash Croney Bailarín Malcolm Davey Bailarín Layla Ellison Bailarina Peter Jessup Bailarín Jafri Jobaid Bailarín Tony Kemp Bailarín Allan Laza Bailarín Annie Lucas Bailarina Count Prince Miller Bailarín George Miller Bailarín Susan Mills Bailarina Bharti Patel Bailarina Basil Patton Bailarín Barrington Shaw Bailarín Louis Saint-Juste Bailarín Jane Victory Bailarina Sian Todd Bailarín June Walker Bailarina Thomas Michael Voss Bailarín Maureen Waters Bailarina Francesca De Luca Bailarina No acreditada Tommie Grabiec Mozo mayor No acreditau Steve Hart Conservador elegant con can No acreditau Tina Simmons Casera de Henry Dashwood No acreditada
Estreno L'estreno d'a cinta s'escaició lo 4 d'abril de 2003.
Critica En Rotten Tomatoes, a cinta tien un index d'aprobación d'o 36% seguntes 109 resenyas, con una calificación promeyo de 4.80/10. O consenso critico d'a web diz: "As ninas chicotas definitivamente se regalarán, pero ye masiau almibarada y predecible ta los adultos". What a Girl Wants en Rotten Tomatoes. En Metacritic, a cinta tien una puntuación meya ponderada de 41 sobre 100, basada en 27 criticos, en indicando "criticas mixtas u meyas". "What A Girl Wants" Reviews-Metacritic, en Metacritic. O publico enquestau por CinemaScore li dio a la cinta una calificación "A" en una escala de A dica F. What a Girl Wants en CinemaScore.
Edward Guthmann en The San Francisco Chronicle la clamó una "comedia adolescent terrible". Edward Guthmann: Film Clips, en San Francisco Chronicle, 4 d'abril de 2003. Anya Kamenetz de The Village Voice describió la cinta como "una aventura aseptica ta la parella de Mary-Kate y Ashley". Anya Kamenetz: Film, en The Village Voice, 8 d'abril de 2003.
Jerónimo José Martín, en Aceprensa, diz que: Un sueño para ella, en Aceprensa, 3 de setiembre de 2003.
Lourdes Domingo, en Contraste, diz: Lourdes Domingo: [https://contraste.info/cinema/un-sueno-para-ella/ Un sueño para ella, en Contraste.
Jorge Moreno en FilaSiete, comenta que: Jorge Moreno: Un sueño para ella: Cenicienta ataca de nuevo, en FilaSiete, 7 d'agosto de 2003.
Taquilla En o suyo primer cabo de semana, la cinta fació un recaudo d'11,4 millons de dólars en 2.964 salas de cine en os Estaus Unius y Canadá, ubicando-se en a segunda posición en a taquilla dezaga de Phone Booth (Joel Schumacher) que recaudó 15 millons. En rematar a suya exhibición, a cinta heba recaudau 36,1 millons de dólars en Estaus Unius y 14,6 millons a livel internacional, con un total de 50,7 millons arredol d'o mundo. What a Girl Wants (2003), en Box Office Mojo.
Promoción Antes de l'estreno d'a cinta en os Estaus Unius, se modificoron os anuncios que ya s'heban imprimiu para eliminar-ne lo simbolo d'a paz que Bynes amostraba en o póster en haber escomencipiau la invasión d'Iraq de 2003 por parte d'Estaus Unius, o Reino Uniu y atros países aliaus. Un representant de Warner Bros. explicó: "'En tiempos de guerra, ficimos una chicota alteración ta poder evitar cualsiquier posible declaración politica en una cinta apolitica de raso". Rebecca Ascher-Walsh: Sign of the Times, en Entertainment Weekly, 11 d'abril de 2003-
Premios Premio Calendata Edición Categoría Premiau Notas Premios Nickelodeon Kids' Choice 2004 17ena edición Nickelodeon Kids' Choice a l'Actriz Favorita de Cinta Amanda Bynes
Se veiga tamién Cine en 2003. Cintas de 2003.
Referencias
Vinclos externos What a Girl Wants en Internet Movie Database. What a Girl Wants en Rotten Tomatoes. / What a Girl Wants en FilmAffinity. What a Girl Wants en Allociné. What a Girl Wants en Box Office Mojo. What a Girl Wants en AllMovie. What a Girl Wants en Metacritic.
Categoría:Cintas ambientadas en Londres Categoría:Cintas ambientadas en Nueva York (ciudat) Categoría:Cintas ambientadas en os anyos 2000 Categoría:Cintas con banda sonora orichinal de Rupert Gregson-Williams Categoría:Cintas con dirección de fotografía d'Andrew Dunn Categoría:Cintas con guión d'Elizabeth Chandler Categoría:Cintas con guión de Jenny Bicks Categoría:Cintas con montache de Charles McClelland Categoría:Cintas de Marruecos Categoría:Cintas d'Estaus Unius Categoría:Cintas d'o Reino Uniu Categoría:Cintas de cine chovenil Categoría:Cintas de cine de comedia