Iste articlo ye sobre un cineasta estausunidense; ta atros usos, se veiga George Stevens (desambigación).
George Cooper Stevens, naixiu d'Oakland (California, Estaus Unius) o 18 d'aviento de 1904 y muerto l'8 de marzo de 1975 en Lancaster (California, Estaus Unius), estió un actor, director cinematografico, productor cinematografico, guionista y director de fotografía estausunidense activo en o cine estausunidense dende meyaus d'os anyos 1910 dica principios d'os anyos 1970, en destacando por o suyo treballo como director por lo cual recibió cuantos premios, en destacando entre éls dos Premios Oscar a lo Millor Director (amás de tres nominacions).
Entre a suya ampla filmografía como director, destacan cintas como Annie Oakley (1935, con Barbara Stanwyck, Preston Foster y Melvyn Douglas), Swing Time (1936, con Fred Astaire y Ginger Rogers), Gunga Din (1939, con Cary Grant, Victor McLaglen y Douglas Fairbanks Jr.), The More the Merrier (1943, con Jean Arthur, Joel McCrea y Charles Coburn), A Place in the Sun (1951, con Montgomery Clift, Elizabeth Taylor y Shelley Winters), Shane (1953, con Alan Ladd, Jean Arthur y Van Heflin) Giant (1956, con Elizabeth Taylor, Rock Hudson y James Dean), The Diary of Anne Frank (1959, con Millie Perkins, Joseph Schildkraut y Richard Beymer) u The Greatest Story Ever Told (1965, con Max von Sydow, Michael Anderson Jr. y Carroll Baker).
Morió por un infarto de miocardio y lo suyo cuerpo descansa en o Forest Lawn Memorial Park de Hollywood Hills, en Los Angeles, California.
Premios George Stevens recibió dos Premios Oscar a lo Millor Director: en 1951 por A Place in the Sun y en 1956 por Giant. Tamién fue nominau tres vegadas mas a ixe mesmo premio, en 1943 por The More the Merrier, en 1954 por Shane y en 1959 por The Diary of Anne Frank.
O 2 d'agosto de 1960 se li adhibió una estrela a lo Paseyo d'a Fama de Hollywood, estando a suya estrela situada en o 1709 de Vine Street d'a ciudat de Los Angeles. George Stevens en Walk of Fame Stars.
Filmografía George Stevens en Internet Movie Database. Director Anyo Títol d'a cinta Productor Guionista Reparto Atros '''' [ ''''] en IMDb.
Referencias
Se veiga tamién Cintas con guión de George Stevens. Cintas dirichidas por George Stevens. Cintas producidas por George Stevens.
Vinclos externos
George Stevens en Internet Movie Database.
Categoría:Actors d'Estaus Unius Categoría:Directors cinematograficos d'Estaus Unius Categoría:Directors de fotografía d'Estaus Unius Categoría:Escritors en anglés Categoría:Guionistas d'Estaus Unius Categoría:Muertos en Lancaster (California) Categoría:Muertos por infarto de miocardio Categoría:Naixius d'Oakland (California) Categoría:Productors cinematograficos d'Estaus Unius Categoría:1904 (naixencias) Categoría:1975 (muertes)