María Eugenia "Maru" Díaz Calvo (Tarazona, 30 d'abril de 1990) ye una politica aragonesa perteneixient a o partiu politico Podemos. Fue elechida por primera vegada como deputada en as Corz d'Aragón en 2015, liderando o suyo partiu en as eleccions de 2019 y nombrada consellera de Ciencia, Universidat y Sociedat d'o Conoiximiento en o segundo gubierno de Javier Lambán.
Biografía Naixida de Tarazona, provincia de Zaragoza, Díaz estudió Filosofía en a Universidat de Zaragoza. Elechida deputada en as Corz d'Aragón en 2015, se convirtió en portavoz d'o Grupo Parlamentario de Podemos mientres ixa lechislatura.
En noviembre de 2018, Díaz compitió por estar a líder de Podemos en as eleccions aragonesas de 2019. Redotó a Erika Sanz en unas achustadas primarias por 72 votos (51.4% a 48.6%). Estió a candidata mas choven y unica muller en istas eleccions. Se presentó con una plataforma d'acción contra a violencia enta as mullers, a luita contra o cambio climatico y a inversión d'a despoblación d'as zonas rurals a traviés d'a millora d'as infraestructuras. En as eleccions, Podemos cayió de 14 escanyos a 5.
En agosto de 2019, o president en o cargo Javier Lambán (PSOE) formó un segundo gubierno cuatripartito con Podemos, o Partido Aragonés y Chunta Aragonesista. Díaz fue nombrada consellera de Ciencia, Universidat y Sociedat d'o Conoiximiento; afirmando que puyaría o sueldo d'o personal universitario y levaría Internet d'alta velocidat a las zonas rurals. Días dimpués d'asumir o cargo, destituyió a Bruno Pérez, un d'os directors chenerals d'o suyo departamento, por refirmar o movimiento independentista catalán; heba dirichiu un prochecto pa recreyar una estelada con luces de colors.
En as eleccions aragonesas de 2023, Podemos pierde cuatro escanyos, deixando a Díaz solenca en as Corz. Como consecuencia albandona a dirección de Podemos Aragón y refusa l'acta de deputada. Maru Díaz deja la dirección de Podemos Aragón y no será diputada autonómica. Público, 8 de chunio de 2023
Referencias
Categoría:Deputaus en as Corz d'Aragón por a circumscripción electoral de Zaragoza Categoría:Deputaus d'a IX Lechislatura d'as Corz d'Aragón Categoría:Deputaus d'a X Lechislatura d'as Corz d'Aragón Categoría:Consellers de Ciencia d'a Deputación Cheneral d'Aragón Categoría:Naixius de Tarazona Categoría:Politicos d'Aragón Categoría:Politicos de Podemos Aragón Categoría:Segundo Gubierno Lambán Categoría:1990 (naixencias)