Alejandro Nolasco Asensio (Pamplona, 1991) ye un politico navarro, perteneixient a o partiu politico Vox. Fue elechiu como concellero en a ciudat de Teruel en 2019 y dimpués lideró o suyo partiu enta o tercer puesto d'as eleccions aragonesas de 2023.
Biografía Naixiu de Pamplona, Navarra, Nolasco se graduó en Dreito por a Universidat Complutense de Madrit y en filosofía por a Universidat Nacional d'Educación a Distancia, obteniendo dimpués un doctorau en historia por a Universidat CEU San Pablo. En 2022, publicó un libro con as memorias d'os zaguers cincuanta miembros d'a División Azul, os voluntarios espanyols que facioron parti d'a invasión nazi d'a Unión Sovietica.
En 2017, Nolasco se treslada enta Teruel, Aragón, a on funda un bufet d'avogaus. Se presenta como candidato de Vox a l'alcaldía d'a capital baixoaragonesa en as eleccions municipals de 2019, estando l'unico miembro d'o suyo partiu elechiu; tamién se presentaría como candidato por a provincia de Teruel a o Congreso d'os Deputaus en as eleccions chenerals d'abril y noviembre de 2019 sin obtener o escanyo.
Nolasco se converte en president de Vox en a provincia de Teruel en 2020. Se presenta a la vegada como alcalde de Teruel y president d'o Gubierno d'Aragon en mayo de 2023. En as eleccions locals, o suyo partiu gana dos nuevos concellers, mientres que en as eleccions a Corz d'Aragón a suya lista remata en tercer posición, aumentando os suyos escanyos en as Corz d'Aragón de tres a siet.
En o primer gubierno formau por Jorge Azcón, Nolasco ye nombrau vicepresident primero d'o Gubierno d'Aragón y consellero de Desarrollo Territorial, Despoblación y Chusticia d'o Gubierno d'Aragón. O 12 de chulio de 2024 dimite d'os suyos cargos. Alejandro Nolasco dimite como vicepresidente de Aragón por "conciencia" y defiende que hará "valer" los votos de Vox. Heraldo de Aragón, 12 de chulio de 2024
Menos de dos anyos dimpués, en o segundo gubierno d'o popular Azcón, Nolasco ye nombrau un atra vegada vicepresident primero d'o Gubierno d'Aragón y consellero de Desregulación, Bienestar Social y Familia. El organigrama del nuevo Gobierno de Aragón: todos los nombres por departamentos. Heraldo de Aragón, 4 de mayo de 2026.
Referencias
Categoría:Avogaus de Navarra Categoría:Consellers d'Afers Socials d'a Deputación Cheneral d'Aragón Categoría:Consellers de Chusticia d'a Deputación Cheneral d'Aragón Categoría:Consellers de Politica Territorial d'a Deputación Cheneral d'Aragón Categoría:Deputaus en as Corz d'Aragón por a circumscripción electoral de Zaragoza Categoría:Deputaus d'a XI Lechislatura d'as Corz d'Aragón Categoría:Deputaus d'a XII Lechislatura d'as Corz d'Aragón Categoría:Primer Gubierno Azcón Categoría:Naixius de Pamplona Categoría:Politicos de Navarra Categoría:1991 (naixencias) Categoría:Politicos de Vox Categoría:Vicepresidents d'a Deputación Cheneral d'Aragón