right|thumb|250px|Edificio d'o Centro Aragonés de Barcelona. Miguel Ángel Navarro Pérez, naixiu de Zaragoza (Comarca Central, Aragón) o 4 d'octubre de 1883 y muerto en ixa mesma capital o 26 de chinero de 1956, estió un arquitecto aragonés, fillo de l'arquitecto aragonés Félix Navarro Pérez y de Concepción Pérez Michelena. Casau con María Anguela Dolset ye lo pai, entre d'atros fillos, d'o tamién arquitecto Miguel Navarro Anguela, estando a la vegada sobrín de Leandro Navarro Pérez, destacau incheniero agronomo aragonés, que tamién dirichió bellas cintas de cine documental.
Miguel Ángel Navarro Pérez fació los suyos estudios primarios y segundarios en cuantas localidaz espanyolas y en a ciudat francesa de Bayona, estudiando posteriorment Arquitectura en primeras en Madrit ta licenciar-se como arquitecto en a Escuela Tecnica Superior d'Arquitectura de Barcelona. Tamién heba estudiau en a Escuela d'Artes Aplicadas y Oficios Artisticos de Zaragoza y en a Real Academia d'Artes Polidas de San Fernando en Madrit. Miguel Ángel Navarro Pérez en a pachina web d'a Real Academia de la Historia.
Desenrolló la suya carrera profesional por todo Aragón, estando en 1913 arquitecto d'a Cambra de Comercio de Zaragoza y de l'Asociación de Periodistas de Zaragoza, exercindo amás como arquitecto municipal en as localidaz d'Exeya d'os Caballers, Zuera, Tarazona y Calatayú.
Treballó con prochectos arquitectonicos en cuantas localidaz aragonesas (Uesca, Calatayú, Exeya d'os Caballers, Carinyena, Tardienta, Villanueva de Galligo, Zuera, Tarazona, Alfama d'Aragón....) y de fuera d'Aragón, como Sant Sabastián u Valencia. Mientres os anyos 1920 y 1930 estió arquitecto municipal en a ciudat de Zaragoza, estando asinas autor de cuantas actuacions urbanisticas en cuantos barrios d'a ciudat.
Tamién tenió actividat politica, estando dende 1916 dica 1920 concellero y tenient d'alcalde en o Concello de Zaragoza.
Obras destacadas Gran Casino d'Alfama d'Aragón (Alfama d'Aragón, Comunidat de Calatayú). Palacio de Comunicacions de Valencia (Valencia, País Valenciano). Palau de les Comunicacions, en a pachina web oficial municipal de Valencia. Centro Aragonés de Barcelona (Barcelona, Catalunya). Grupo Escolar Joaquín Costa (Zaragoza, Comarca Central, Aragón). Grupo Escolar Joaquín Costa, en a web d'a Deputación Cheneral d'Aragón. Casa Solans (Zaragoza, Comarca Central, Aragón). La Casa Solans se abrirá al público los días 16 y 17 de mayo, en El Periódico de Aragón, 20 d'abril de 2009. Teatro d'o Mercau, concebiu orichinalment como mercau de pescau y adaptau anyos dimpués en 1983 como teatro (Zaragoza, Comarca Central, Aragón). Teatro d'Artes Polidas de Tarazona (Tarazona, Tarazona y Moncayo, Aragón). Colechio Sant Agostín (Zaragoza, Comarca Central, Aragón).
Referencias
Vinclos externos Miguel Ángel Navarro Pérez en DARA. Miguel Ángel Navarro Pérez en a pachina web d'a Real Academia de la Historia.
Categoría:Arquitectos d'Aragón Categoría:Muertos en Zaragoza Categoría:Naixius de Zaragoza Categoría:1883 (naixencias) Categoría:1956 (muertes)