A ilesia d'o Reyal Seminario de Sant Carlos Borromeu ye una ilesia situada en a ciudat de Zaragoza. A suya frontera de ladriello fue restaurada en o sieglo XVII dimpués de sofrir un incendio, fendo probablement Jaime Busignac y Borbón de mayestro d'obras.
Historia L'interior ye de nau unica con capiellas laterals comunicadas por puertas. O teito d'a nau ye en vuelta de crucería y o perimetro ye recorriu por una tribuna dende zaguerías d'o sieglo XVI. A ilesia fue renovada a partir de 1723 por o chirmán Lacarre, Pablo Diego Ibáñez, que modifica toda a ornamentación interior, convertindo-la en a iglesia mas sumptuosa y espectacular d'a ciudat y en modelo pa atras ilesias posteriors.
O retablo mayor ye adedicau a la Inmaculada, tamién realizau por o chirmán Lacarre. Ye un conchunto espectacular de doraus, royos, verdes, azuls y rosas y 18 esculturas a grandaria natural en estilo barroco de transición a o rococó. D'as esculturas, retalladas por os chirmans d'a congregación, cal que destacar as que se troban sobre pedainas, representación de santos y chesuitas aragoneses.
A primera capiella d'a dreita, la de Sant Chusé, ye d'o sieglo XVII y fue feita construyir por os duques de Villafermosa como panteón funerario. De frontera y interior muit decoraus, conserva 6 cuadros de Vicente Berdusán, pintaus en 1693. Ista capiella ye a que sirvió d'inspiración a o chirmán Lacarre pa redecorar a resta d'a ilesia.
Bibliografía 100 motivos para enseñar tu ciudad. Conoce la Zaragoza monumental folleto editado por el Ayuntamiento de Zaragoza Fatás, Guillermo, (coord.) Guía histórico-artística de Zaragoza, Zaragoza, Ayuntamiento (Servicio de acción cultural), 19913. . Izquierdo, Pascual, Guía total. Zaragoza. Madrid: Anaya, 2006. . Laborda Yneva, José, Zaragoza: guía de arquitectura / an architectural guide, Zaragoza, Caja de Ahorros de la Inmaculada de Aragón, D.L. 1995, .
Vinclos externos
Reyal Seminario de Sant Carlos Patrimonio Cultural de Aragón, Gubierno d'Aragón. Ilesia d'o Reyal Seminario de Sant Carlos Borromeu en Zaragoza, Turismo de Zaragoza. Ficha en gcatholic.org
Carlos Borromeu Carlos Borromeu de Zaragoza Carlos Borromeu de Zaragoza Carlos Borromeu de Zaragoza Carlos Borromeu de Zaragoza Zaragoza Carlos Borromeu de Zaragoza