right|thumb|600px|Adoración d'os Reis Magos, de Francisco de Goya y Lucientes, en a Cartuixa d'Aula Dei. L'Adoración d'os Reis Magos ye un episodio d'a vida de Chesús de Nazaret que gosa amaneixer en obras d'arte vinculadas a la relichión cristiana, ya sía en a pintura, en l'arquitectura u en a escultura. Se tracta d'una d'as escenas basadas en a Biblia mas representadas en l'arte de tradición relichiosa cristiana. Lorenzo de la Plaza Escudero (coordinador y textos), Adoración Morales Gómez (textos) y José María Martínez Murillo: Diccionario visual de términos de arte, Ediciones Cátedra, Madrit, 2015, 1era edición, p.19. .
Se basan en a escena tal como la conta l'Evanchelio de Mateu (Mt 2-12) en o Nuevo Testamento d'a Biblia. Tanimientres ye un episodio que no amanixe en l'Evanchelio de Lucas cuan conta la nineza de Chesús. O relato de Sant Mateu apóstol ye bien escueto y no diz ni lo numero ni los nombres d'os Reis Magos, os protagonistas de l'episodio. Ye a partir d'escritos d'Orichenes en o sieglo III y mas que mas a partir d'os Evanchelios apocrifos que se perfila la historia con os suyos detalles tal como s'entiende en l'actualidat.
Poquet a poquet se consolida la explicación de que os Reis Magos yeran tres personaches, representativos d'os tres continents que en ixas envueltas se consideraba que formaban a Tierra (Europa, Asia y Africa) y por ixo un d'éls ye de color negra, en representando Africa. Se considera que proceden d'Orient, a tierra d'os magos, y que los suyos nombres son rei Gaspar, rei Baltasar y rei Melchior.
A escena s'ha emplegau a sobén en creacions artisticas como representación d'a Natividat de Chesús.
L'orichen d'a escena en l'arte se troba en l'arte paleocristiano, en as primeras catacumbas, y la composición d'a escena s'inspira en cómo s'amostraba en l'arte romano o sosmetimiento d'un pueblo venciu a lo cheneral que l'heba venciu. Ixa composición se modifica dende lo sieglo V, en hacer de Santa María lo nuevo centro d'a composición a la vegada que s'introduz un nuevo elemento, os camelidos sobre los cuals s'acorren os reis.
En l'arte bizantino gosa amanixer un ánchel con a estrela anunciadora d'a Natividat de Chesús, a la vegada que en l'arte medieval occidental se gosa presentar a los Reis Magos ornaus de ricas vestiduras, con una corona reyal como elemento anunciador d'a suya cualidat reyal y gosan dar a Chesús beliquez presentaus en recipients valuosos. Dende lo sieglo XIII torna a variar a composición, amostrando a un d'os reis achenollau y a lo segundo chirau amostrando la estrela a lo tercero. Dende lo sieglo XIV s'opta por enriquir a escena con l'adición de detalles variaus de caza u de combaz, dende lo sieglo XV lo rei Baltasar prencipia a amostrar rasgos africanos y dende lo sieglo XVI prencipia a perder o suyo sentiu relichioso simbolico orichinal.
En arquitectura, especialment dende l'arte gotico, a escena de l'Adoración gosa fer parte d'un conchunto d'atras escenas amostrando la vida de Chesús.
Texto biblico Se troba en l'Evanchelio de Mateu (Mt 2-12):
Galería d'imáchens
Referencias
Se veiga tamién Reis Magos Vida de Chesús de Nazaret en l'arte. Vida de Nuestra Sinyora en l'arte.
Vinclos externos
Categoría:Chesús de Nazaret Categoría:Adoración d'os Reis Magos en l'arte Categoría:Natividat de Chesús de Nazaret Categoría:Natividat de Santa María Categoría:Nuevo Testamento