Santa Fe Passage (títol orichinal en anglés, en aragonés Pasache enta Santa Fe, estrenada en Aragón con o títol de Senderos de violencia) ye una cinta de cine de western de cine estausunidense de l'anyo 1955 dirichida por William Witney seguntes un guión adaptau por Lillie Hayward (basau en una historia de Heck Allen basada a la vegada en o relato Santa Fe Passage de Clay Fisher, publicau en 1952). Conta con una banda sonora orichinal de R. Dale Butts, una dirección de fotografía de Bud Thackery y una producción cinematografica de Sidney Picker ta la productora cinematografica Republic Pictures. Fan parte de l'elenco d'actors d'a cinta, entre d'atros, John Payne, Faith Domergue, Rod Cameron, Slim Pickens, Irene Tedrow, George Keymas, Leo Gordon y Anthony Caruso.
Kirby Randolph y lo suyo socio Sam Beekman conducen una caravana enta l'ueste pero cayen en una trampa de Satank, un chefe d'os kiowas. Pensaban que yeran enganyando a lo kiowa fendo-le perder tiempo ta que la caravana marchase luent, pero mientres que perdeban o tiempo con o chefe un grupo de guerrers kiowas atacaba la caravana, matando a tos os suyos miembros. Como consecuencia, Kirby pierde de raso la suya reputación y denguno no quiete contrsctar-lo como guía. Tanimientres, finalment Jess Griswold, qui amenista imperiosament un guía, los contracta. O suyo primer acto como chefe d'a caravana ye de desichir que marche una anciana india que i viacha, pero la choven que l'acompanya, Aurelie St. Clair, fa cara a Kirby ta que se quede. Bien luego se conoix que la caravana porta armas enta lo sud destinadas a la suya venda a las autoridaz de Mexico, pero cuan os kiowas conoixen por un traidor que viacha en a caravana lo conteniu d'as caixas que transporta, preparan o suyo ataque. A la vegada, l'antagonismo inicial entre Kirby y Aurelie se converte en atracción, dica que lo competidor de Kirby por os amors d'a choven Aurelie li conta a iste que la mesacha ye mestiza, filla d'una princesa kiowa.
A cinta s'ambienta en Arizona en bel momento indeterminau d'a segunda metat d'o sieglo XIX y las suyas escenas se filmoron en bellas localidaz d'os estaus d'Arizona y Utah. Localizacions de Santa Fe Passage en Internet Movie Database.
Elenco Santa Fe Passage en Internet Movie Database. Actor Papel Notas ''''
Se veiga tamién Cine en 1955. Cintas de 1955.
Referencias
Categoría:Cintas ambientadas en Arizona Categoría:Cintas ambientadas en o sieglo XIX Categoría:Cintas con banda sonora orichinal de R. Dale Butts Categoría:Cintas con dirección de fotografía de Bud Thackery Categoría:Cintas con guión de Lillie Hayward Categoría:Cintas con montache de Tony Martinelli Categoría:Cintas de western Categoría:Cintas d'Estaus Unius Categoría:Cintas dirichidas por William Witney Categoría:Cintas en anglés Categoría:Cintas interpretadas por Anthony Caruso Categoría:Cintas interpretadas por Faith Domergue Categoría:Cintas interpretadas por George Keymas Categoría:Cintas interpretadas por Irene Tedrow Categoría:Cintas interpretadas por John Payne Categoría:Cintas interpretadas por Leo Gordon Categoría:Cintas interpretadas por Rod Cameron Categoría:Cintas interpretadas por Slim Pickens Categoría:Cintas producidas por Sidney Picker Categoría:Cintas rodadas en Arizona Categoría:Cintas rodadas en Utah