Kiss Me, Stupid (títol orichinal en anglés, en aragonés Besa-me, ababol, estrenada en Aragón con o suyo títol traduciu enta lo castellano como Bésame, tonto) ye una cinta de cine estausunidense de comedia romantica estrenada l'anyo 1964, dirichida por Billy Wilder seguntes un guión adaptau por él mesmo y por I.A.L. Diamond (basau en una historia d'Anna Bonacci), con una banda sonora orichinal d'André Previn, una dirección de fotografía de Joseph LaShelle y una producción cinematografica a lo cudiau de Billy Wilder ta la productora cinematografica The Mirisch Corporation. Fan parte de l'elenco d'actors d'a cinta, en os suyos papels principals, Dean Martin, Kim Novak, Ray Walston, Felicia Farr, Cliff Osmond, Barbara Pepper, Doro Merande, Howard McNear, Tom Nolan, Alice Pearce, John Fiedler, Cliff Norton, Mel Blanc y Henry Gibson.
Dino ye un cantaire bien conoixiu no nomás que por as suyas cualidaz como tal, so que tamién por a suya fama de conqueridor de mullers. Bel día ye conducindo lo suyo luxoso automóbil, un Dual-Ghia marchando dende las Vegas enta Los Angeles y por un problema en a carretera se veye obligau a fer servir un esbarre, plegando en o lugar de Climax, en Nevada, a on i viven dos amigos compositors, Barney Millsap, qui treballa en una benzinera, y Orville J. Spooner, un profesor de piano con problemas por a suya zelosía. L'auto de Dino amenista benzina y s'atura en a benzinera de Barney ta repostar. Cuan iste lo reconoix, decide provocar una avería en l'auto ta que asinas se veiga obligau a romanir en o lugar y poder-le amostrar as suyas composicions. Finalment, consiguen que Dino accepte asperar que pleguen uns recambios ta lo suyo auto, ahuespando-se en casa d'Orville. Tanimientres, cuan iste conoix que Dino amenista fer l'amor cada nueit con una muller ta no tener dolor de cabeza, decide organizar una discusión con su muller ta que marche enta casa de su mai y Barney contracta a una prostituta, Polly, qui treballa en un local en l'arrabal d'a ciudat y vive en una autocaravana. Orville presenta a Polly a Dino como si estase la suya muller, pero cuan iste principia a amostrar intrés en ella, siente tamién zelosía y fa fuera a Dino, dirichindo-lo enta lo local a on treballa Polly, qui se queda con Orville. Tanimientres, Zeida, la verdadera muller, ha marchau chustament enta ixe local a beber, s'ha zafumau y la han convidau a descansar en l'autocaravana de Polly. Cuan Dino plega en o lugar, li recomanan chustament a Polly como una polida muller y l'adrezan enta l'autocaravana a on ye Zeida.
Kiss Me, Stupid s'ambienta en a suya epoca actual (1964) en Nevada, y las suyas escenas se filmoron en Los Angeles y Twentynine Palms (California) y en Las Vegas y Tonopah (Nevada), amás d'en os Samuel Goldwyn Studios en [West Hollywood (California)|[West Hollywood]] y los Universal Studios en Universal City en California. Localizacions de Kiss Me, Stupid en Internet Movie Database.
Elenco Kiss Me, Stupid en Internet Movie Database. Actor Papel Notas ''''
Se veiga tamién Cine en 1964. Cintas de 1964.
Referencias
Vinclos externos
Categoría:Cintas ambientadas en Nevada Categoría:Cintas ambientadas en 1964 Categoría:Cintas con banda sonora orichinal d'André Previn Categoría:Cintas con dirección de fotografía de Joseph LaShelle Categoría:Cintas con guión de Billy Wilder Categoría:Cintas con guión d'I.A.L. Diamond Categoría:Cintas con montache de Daniel Mandell Categoría:Cintas de cine de comedia Categoría:Cintas de cine de romance Categoría:Cintas d'Estaus Unius Categoría:Cintas dirichidas por Billy Wilder Categoría:Cintas en anglés Categoría:Cintas en blanco y negro Categoría:Cintas interpretadas por Alice Pearce Categoría:Cintas interpretadas por Barbara Pepper Categoría:Cintas interpretadas por Cliff Norton Categoría:Cintas interpretadas por Cliff Osmond Categoría:Cintas interpretadas por Dean Martin Categoría:Cintas interpretadas por Doro Merande Categoría:Cintas interpretadas por Felicia Farr Categoría:Cintas interpretadas por Henry Gibson Categoría:Cintas interpretadas por Howard McNear Categoría:Cintas interpretadas por John Fiedler Categoría:Cintas interpretadas por Kim Novak Categoría:Cintas interpretadas por Mel Blanc Categoría:Cintas interpretadas por Ray Walston Categoría:Cintas interpretadas por Tom Nolan Categoría:Cintas producidas por Billy Wilder Categoría:Cintas rodadas en Las Vegas Categoría:Cintas rodadas en Los Angeles Categoría:Cintas rodadas en Tonopah (Nevada) Categoría:Cintas rodadas en Twentynine Palms (California) Categoría:Cintas rodadas en Universal City Categoría:Cintas rodadas en West Hollywood (California)