Santiago López Valdivielso, naixiu de Valladolit (Valladolit, Castiella y Leyón, Espanya) o 7 de febrero de 1950 y muerto en Madrit (Comunidat de Madrit, Espanya) lo 9 de chinero de 2024, Enrique Berzal: López Valdivielso, el empresario y político que más tiempo lideró la Guardia Civil, en El Norte de Castilla, 9 de chinero de 2024. estió un avogau, empresario y politico castellanoleyonés, militant succesivament d'os partius Alianza Popular y Partido Popular.
Estió deputau d'a I Lechislatura d'as Corz de Castiella y Leyón por a provincia de Valladolit, a la que representó posteriorment en as III, IV, V y VI Lechislaturas d'o Congreso d'os Deputaus y en a X Lechislatura d'o Senau d'Espanya. D'atra man, estió director cheneral d'a Guardia Civil en o Primer Gubierno de José María Aznar.
Primeras anyadas Ye naixiu de Valladolit en Castiella y Leyón, fillo de Santiago López González, formando-se en a suya ciudat natal, a on estudió en a Universidat de Valladolit licenciando-se-ie en Dreito, amás de diplomar-se en Administración d'Empresas, Mercatotecnia y Publicidat y en Altos Estudios Superiors d'a Defensa.
Actividaz politicas En as primeras eleccions a Corz de Castiella y Leyón escaicidas en l'anyo 1983 estió esleyiu deputau por a provincia de Valladolit en as listas d'Alianza Popular, fendo asinas parte d'a I Lechislatura d'as Corz de Castiella y Leyón, pero en 1986 se presentó en as eleccions chenerals como candidato (tamién por Alianza Popular y por a circumscripción electoral provincial de Valladolit) a lo Congreso d'os Deputaus, resultando esleyiu ta la III Lechislatura d'o Congreso d'os Deputaus. Repitió como deputau en a IV Lechislatura (chenerals de 1989), V Lechislatura (chenerals de 1993) y VI Lechislatura (chenerals de 1996), pero dimitió d'o cargo de deputau en estar nombrau Director cheneral d'a Guardia Civil en o Primer Gubierno Aznar, cargo a on i remanió dica las chenerals de 2004, cuan o Partido Popular (nombre asumiu por l'antiga Alianza Popular con a suya refundación en l'anyo 1987) perdió las eleccions.
En as chenerals de 2011 fue esleyiu senador en o Senau d'Espanya nuevament en as listas d'o Partido Popular por Valladolit, estando asinas senador mientres a X Lechislatura.
Referencias
Categoría:Alumnos d'a Universidat de Valladolit Categoría:Avogaus de Castiella y Leyón Categoría:Deputaus en as Corz de Castiella y Leyón por a circumscripción electoral de Valladolit Categoría:Deputaus d'a I Lechislatura d'as Corz de Castiella y Leyón Categoría:Deputaus en o Congreso d'os Deputaus por a provincia de Valladolit Categoría:Deputaus d'a III Lechislatura d'o Congreso d'os Deputaus Categoría:Deputaus d'a IV Lechislatura d'o Congreso d'os Deputaus Categoría:Deputaus d'a V Lechislatura d'o Congreso d'os Deputaus Categoría:Deputaus d'a VI Lechislatura d'o Congreso d'os Deputaus Categoría:Directors chenerals d'a Guardia Civil Categoría:Empresarios de Castiella y Leyón Categoría:Muertos en Madrit Categoría:Naixius de Valladolit Categoría:Politicos de Castiella y Leyón Categoría:Politicos d'Alianza Popular Categoría:Politicos d'o Partido Popular Categoría:Senadors por a provincia de Valladolit Categoría:Senadors d'a X Lechislatura d'Espanya Categoría:1950 (naixencias) Categoría:2024 (muertes)