Iste articlo trata sobre as salinas que son puestos en os que se i espleita la sal. Ta altros emplegos se veiga Salinas (desambigación). right|thumb|288px|Saleras d'o Laco Rosa (Senegal). miniaturadeimagen|Antiga Salina de la Playa, Sastago, Zaragoza Salina, salinar u salera ye o puesto a on se treballa con l'augua salada ta aconseguir-ne a sal. Totas as salinas d'Aragón son de fuents d'interior, pero ne b'ha tamién en a costa aproveitando l'augua d'a mar.
Nomenclatura A producción de sal en salinas tien una terminolochía especifica. Como muestra, en a salinera de Nabal (comarca d'o Semontano de Balbastro, Huesca), activa de primavera a agüerro, s'emplegan os siguients vocablos: era: superficie horizontal zarrada con murez que s'emplena d'augua salada, a on precipita a sal por evaporación; flor: piedras de sal que se fan por concentración y que flotan en as eras; retradero: instrumento con mango largo y forma de rasclo y que se fa servir ta remover as eras con a fin que a sal no s'apegue en o fondo; bater: remover con o retradero sangrar: retirar l'augua dolza que se concentra en as capas superiors d'a era; se fa ubrindo foratos a meya altura en o muret, ya que l'augua con mes concentración de sal tien mes densidat, pesa mes y s'enfonsa ta as capas inferiors; ixada, pico de gancho: estrumentos que se fan servir ta deseparar a sal apegada en o fondo; barrer: recullir a sal; O producto final, a sal, se vende a profesionals tan diversos como forners (que en anyaden), caminers (ta desconchelar a nieu d'hibierno) u ganaders (ta anyader sal a o minchar d'os animals).
Uso en toponimia En Aragón bi ha a lo menos cuatre lugars con iste nombre: Salinas de Bielsa, en o municipio de Bielsa. Salinas de Chaca, en o municipio d'as Penyas de Riglos. Salinas de Sin, en o municipio de Tella-Sin. Salinas de Trillo, en o municipio d'a Fueva.
Categoría:Explotación d'os recursos naturals