Iste articlo ye sobre una cinta de cine britanico de cine belico de 1954; ta atros usos, se veiga The Purple Plain (desambigación).
The Purple Plain (títol orichinal en anglés, en aragonés A plana porpora, estrenada en Aragón con o titol en castellano de Llanura roja, en aragonés Plana roya) ye una cinta de cine belico de cine britanico estrenada l'anyo 1954, dirichida por Robert Parrish seguntes un guión adaptau por Eric Ambler (basau en a novela The Purple Plain, que heba publicau H. E. Bates l'anyo 1947), con una banda sonora orichinal de John Veale, una dirección de fotografía de Geoffrey Unsworth, una producción cinematografica de John Bryan ta la productora cinematografica Two Cities Films y que conta con un elenco d'o cual en fan parte, entre d'atros actors, Gregory Peck, Win Min Than, Maurice Denham, Lyndon Brook, Brenda De Banzie, Bernard Lee, Anthony Bushell, Josephine Griffin, Ram Gopal, Dorothy Alison, Peter Arne, Jack McNaughton, Lane Meddick y Harold Siddons.
Bill Forrester ye un piloto d'avions canadiense d'a Royal Canadian Air Force destinau en Birmania mientres a Segunda Guerra Mundial que pilota un De Havilland Mosquito, un cazabombardero biplaza. Ye muit deprimiu, en haber perdiu a su muller, victima d'o Blitz, a campanya de bombardeyos d'a Luftwaffe contra ciudaz d'o Reino Uniu, y s'ha convertiu en una persona autodestructiva que fa periglar a vida d'os syos companyeros que, en consecuencia, evitan volar con él. O chefa d'a base encarga a lo medico que redacte un informe valorativo como paso previo ta fer que deixe de volar, y lo medico lo ninvía oir casualidat a visitar un lugarón birmano, a on conoix a Anna, una mesacha birmana. Fa amistat con ella y prencipia a visitar-la regularment y li conta que tien deseyos de morir dimpués d'a muerte de su esposa, deseyando morir en combat. Tanimientres, poquet a poquet l'amor naixe entre toz dos y Anna aduya a la recuperación de Bill. En un vuelo de transporte enta Meiktila, a on sobrevuelan territorio controlau por l'Imperio d'o Chapón, se produz un incendio en o De Havilland Mosquito y l'avión caye, con os suyos tres tripulants.Carrington ha resultau feriu y no puet caminar, Blore creye que han d'asperar un rescate y Bill ye lo solo que creye que lis cal caminar enta lo río mas amanau ta poder disposar d'augua y tener mas posibilidaz d'estar rescataus. Finalment, Bill s'imposa, construyen unas pariellas ta lo feriu y marchan enta lo río, amostrando-se en o proceso que Bill' s'ha recuperau d'a suya depresión y que nomás deseya que tornar con Anna.
A cinta s'ambienta mientres os anyos 1940 en Birmania mientres a Segunda Guerra Mundial y las suyas escenas se filmoron en bellas localizacions en Sri Lanka y en os Pinewood Studios en Buckinghamshire en o Reino Uniu. Localizacions de The Purple Plain en Internet Movie Database.The Purple Plain'' ye una cinta que ha recibiu bellas nominacions, en destacando cuatre nominacons a los Premios BAFTA (Millor Actor Britanico, Millor Cinta Britanica, Millor Guión Britanico y Millor Cinta) en a suya 8ena edición.
Elenco The Purple Plain en Internet Movie Database. Actor Papel Notas ''''
Se veiga tamién Cine en 1954. Cintas de 1954.
Referencias
Vinclos externos The Purple Plain en Internet Movie Database.
Categoría:Cintas ambientadas en Birmania Categoría:Cintas ambientadas en os anyos 1940 Categoría:Cintas con banda sonora orichinal de John Veale Categoría:Cintas con dirección de fotografía de Geoffrey Unsworth Categoría:Cintas con guión d'Eric Ambler Categoría:Cintas con montache de Clive Donner Categoría:Cintas de cine belico Categoría:Cintas d'o Reino Uniu Categoría:Cintas dirichidas por Robert Parrish Categoría:Cintas en anglés Categoría:Cintas en Technicolor Categoría:Cintas interpretadas por Anthony Bushell Categoría:Cintas interpretadas por Bernard Lee Categoría:Cintas interpretadas por Brenda De Banzie Categoría:Cintas interpretadas por Dorothy Alison Categoría:Cintas interpretadas por Gregory Peck Categoría:Cintas interpretadas por Harold Siddons Categoría:Cintas interpretadas por Jack McNaughton Categoría:Cintas interpretadas por Josephine Griffin Categoría:Cintas interpretadas por Lane Meddick Categoría:Cintas interpretadas por Lyndon Brook Categoría:Cintas interpretadas por Maurice Denham Categoría:Cintas interpretadas por Peter Arne Categoría:Cintas interpretadas por Ram Gopal Categoría:Cintas interpretadas por Win Min Than Categoría:Cintas producidas por John Bryan Categoría:Cintas rodadas en Buckinghamshire Categoría:Cintas rodadas en Sri Lanka Categoría:Cintas de cine sobre a Segunda Guerra Mundial