Donovan's Reef (títol orichinal en anglés, en aragonés L'arrecife de Donovan, estrenada en Aragón con o títol en castellano de La taberna del irlandés, en aragonés A tabierna de l'irlandés) ye una cinta de cine de comedia d'aventuras de cine estausunidense estrenada l'anyo 1963, dirichida por John Ford seguntes un guión adptau por Frank S. Nugent y James Edward Grant (basau en una historia d'Edmund Beloin), con una banda sonora orichinal de Cyril Mockridge, una dirección de fotografía de William H. Clothier, una producción cinematografica de John Ford ta la suya productora cinematografica John Ford Productions y que conta con un elenco formau por John Wayne, Lee Marvin, Elizabeth Allen, Jack Warden, Cesar Romero, Dick Foran, Dorothy Lamour, Marcel Dalio, Mike Mazurki, Jacqueline Malouf, Cherylene Lee, Jeffrey Byron, Edgar Buchanan y Patrick Wayne, entre d'atros actors.

Thomas Gilhooley ye un antigo soldau d'a United States Navy que ha combatiu fa casi que vinte anyos en a Segunda Guerra Mundial. Treballa en un barco de carga y, en veyer que iste pasa dabant d'o suyo destino, una isla en a Polinesia Francesa, salta d'o barco y plega nadando enta lo canto d'a isla. Astí troba a lo suyo antigo amigo Michael Donovan, qui como él ye un antigo "marine" que vive expatriau y que a la vegada ye amigo d'un atro antigo "marine" y medico, William "Doc" Dedham, que ye lo medico d'a isla. Dedham li demana a Donovan que cudie d'os suyos tres fillos mientres que él fa un viache como medico por as islas de l'arredol. Seguindo una tradición d'anyos, Gilhooley y Donovan celebran un cabo d'anyo d'un d'éls barallando-se y desferrando la tabierna Donovan's Reef, que como se deduz d'o suyo nombre, ye propiedat de Donovan. A la vegada, en Boston (Estaus Unius), Amelia Dedham se converte en a presidenta d'una empresa familiar (Dedham Shipping Company) d'a cual su pai, que ye Doc Dedham, ha heredau la mayoría d'as accions. Amelia decide prebar de conservar o control d'a empresa y viachar enta la Polonesia ta trobar-ie prebas de que su pai (a qui mai no ha conoixiu) ha transgrediu bellas clausulas d'o testamento y, en consecuencia, no puet recibir l'herencio, que asinas pasaría integro a las suyas mans. A noticia de que plegará enta la Polinesia se recibe mientres que Doc se troba fuera, y los suyos amigos deciden amagar a los suyos tres fillos mestizos ta quitar problemas con Amelia, a qui no conoixen pero de qui sospeitan que estará una muller severa que no veyerá bien ixo de tener tres chirmanastros. A forma d'amagar-los ye fer-los pasar por fillos de Donovan. Cuan finalment plega Amelia, poquet a poquet Donovan descubre que no ye tan plastinyosa como sospeitaba y que amás tienen aficions comuns, a la vegada que Amelia descubre que Donovan ye lo propietario d'una empresa de transporte maritimo local y se siente intresada por él y por os tres ninos que soposa fillos d'él. Pero encara no conoix que en realidat son os suyos tres chirmanastros y encara no ha plegau Doc, su pai.

A cinta s'ambienta en a suya epoca actual (1963) en a Polinesia Francesa y las suyas escenas se filmoron en Hawaii y en os Paramount Studios en Los Angeles. Localizacions de Donovan's Reef en Internet Movie Database.

Elenco Donovan's Reef en Internet Movie Database. {|class="wikitable sortable" style="font-size: 90%;"

! style="background:#ABD2D0;" | Actor ! style="background:#ABD2D0;" | Papel ! style="background:#ABD2D0;" | Notas

| ''

Se veiga tamién Cine en 1963. Cintas de 1963.

Referencias

Vinclos externos Donovan's Reef en Internet Movie Database. Donovan's Reef en TCM Movie. Donovan's Reef en l'American Film Institute Catalog de l'American Film Institute''. Tráiler de Donovan's Reef en Youtube.

Categoría:Cintas ambientadas en a Polinesia Francesa Categoría:Cintas ambientadas en 1963 Categoría:Cintas con banda sonora orichinal de Cyril Mockridge Categoría:Cintas con dirección de fotografía de William H. Clothier Categoría:Cintas con guión de Frank S. Nugent Categoría:Cintas con guión de James Edward Grant Categoría:Cintas con montache d'Otho Lovering Categoría:Cintas de cine d'aventuras Categoría:Cintas de cine de comedia Categoría:Cintas d'Estaus Unius Categoría:Cintas dirichidas por John Ford Categoría:Cintas en anglés Categoría:Cintas en francés Categoría:Cintas en Technicolor Categoría:Cintas interpretadas por Cesar Romero Categoría:Cintas interpretadas por Cherylene Lee Categoría:Cintas interpretadas por Dick Foran Categoría:Cintas interpretadas por Dorothy Lamour Categoría:Cintas interpretadas por Edgar Buchanan Categoría:Cintas interpretadas por Elizabeth Allen Categoría:Cintas interpretadas por Jack Warden Categoría:Cintas interpretadas por Jacqueline Malouf Categoría:Cintas interpretadas por Jeffrey Byron Categoría:Cintas interpretadas por John Wayne Categoría:Cintas interpretadas por Lee Marvin Categoría:Cintas interpretadas por Marcel Dalio Categoría:Cintas interpretadas por Mike Mazurki Categoría:Cintas interpretadas por Patrick Wayne Categoría:Cintas producidas por John Ford Categoría:Cintas rodadas en Hawaii Categoría:Cintas rodadas en Los Angeles