A ilesia de Sant Miguel Arcánchel de Tarazona ye una ilesia d'estilo gotico-mudéchar construyida entre los sieglos XIII y XV que se troba en Tarazona (Tarazona y Moncayo, Aragón).
Historia L'edificio yera orichinalment una mesquita construyida por os musulmans que, dimpués d'a conquista cristiana, habioron d'albandonar o barrio d'o Cinto y a mesquita que i heba en o puesto de l'actual ilesia de Santa María Malena. En desapareixer a población musulmana y os suyos costumbres y creyencias a mesquita se transformó en primerías d'o sieglo XIII en templo cristiano.
Igual que atros edificios d'a ciudat, a ilesia fue prou danyada mientres a Guerra d'os Dos Peros, entre os reis Pero IV d'Aragón y Pero I de Castiella. Tiempo dimpués d'a suya reconstrucción i hai un incendio, lo que fa que en a segunda decada d'o sieglo XVI, s'haiga de tornar a reconstruyir.
En l'anyo 1520 se construye a torre mudéchar, obra d'o mazonero Juan de Grete.
Descripción A construcción combina mampostería, piedra picada, tapiau y ladriello. Ye formada por una nau de tres trampos cubiertos por vueltas de crucería estrelada. A planta ye cuadrada y a cabecera poligonal. Ficha en a web d'o SIPCA.
As dos portaladas d'acceso a la ilesia son encara herencio d'a primera fabrica. A portalada sud ye d'estilo gotico y da a la plaza Sant Miguel, de silueta ochival y construyida en piedra picada. A portalada norte u d'a Bendición tamién ye feita en piedra picada y ye una obra de l'anyo 1463 feita por Juan de Leredo.
A torre, d'estilo mudéchar ye de planta cuadrada y formada por cuantos cuerpos. O mas baixo d'éls ye l'unico que se conserva d'a construcción primitiva. Os cuatre siguiens son feitos de tapiau forrau con ladriello y no tienen garra adorno. En o zaguer piso i hai dos vanos en cada costau y decoración a base de cintas de esquiniellas y ladriellos en zigzag. O conchunto ye rematau por un chapistel octogonal que fue refeito entre 1999 y 2001.
Referencias
Vinclos externos Iglesia de San Miguel Arcángel. Fundación Tarazona Monumental. En Aragón Mudéjar.
Miguel Arcánchel de Tarazona Miguel Arcánchel de Tarazona Miguel Arcánchel de Tarazona Miguel Arcánchel de Tarazona María Malena de Tarazona Tarazona Miguel Arcánchel de Tarazona Categoría:Molimentos de Tarazona