A casa d'o lugar de Castillón d'o Puent se tracta d'un edificio renaixentista d'o sieglo XVI que fa as funcions de casa d'o lugar d'a localidat de Castillón d'o Puent, (Semontano de Balbastro, Aragón) y ye a seu d'o Concello de Castillón d'o Puent.
Descripción Se tracta d'un edificio de base rectangular, feito de piedra picada en a base y a loncha y de ladriello a resta de l'edificio. Se divide en tres plantas, ubrindo-se en a primera una loncha de dos arcos de meyo punto. Istos arcos no son os que i heba orichinalment, ya que en o sieglo XVIII, se construyió una capiella en iste espació, tornando-se a la loncha bels sieglos dimpués.
En a segunda planta i hai dos finestras con arco de meyo licherament muit rebaixadas que han estau convertidas actualment en balcons sin vuelo. Entre as dos se troba un relieu que fa referencia a la Sagrada Familia. Iste segundo piso ye deseparau d'o superior por una imposta. En a zaguera planta i hai una galería de ueito finestras de meyo punto unidas por a imposta que ye formada de dos bandas de ladriellos en esquinilla alternaus con listels.
No i hai loncha en os muros laterals y a galeria superior en os costaus tien nomás siet uberturas en cuentas de ueito.
Vinclos externos Casa consistorial - Castejón del Puente. SIPCA
Castillón d'o Puent Categoría:Concello de Castillón d'o Puent Categoría:Molimentos de Castillón d'o Puent