El nuevo xéquel (en hebreu שקל חדש, shékel jadash, en arabe شيكل جديد, šēkal jadīd; NIS por as suyas sieglas en anglés) ye a unidat monetaria d'Israel y, chuntament con o dinar chordano, tamién en ye de Palestina. Se divide en 100 agorot.
O nuevo xéquel s'adoptó en 1985, en substitución de l'antigo xéquel, a razón de 1000 antigos xéquel por cada unidat d'a moneda nueva. Emitiu por o Banco d'Israel (en hebreu בנק ישראל, Banq Israel / بنك اسرائيل Bank Isrā'īl), circuloron en primeras monedas 1, 5 y 10 agorot y de 1/2 nuevo xéquel y billez d'1, 5, 10, 20, 50, 100 y 200 nuevos xéquel, encara que hue lo día nomás circulan monedas de 10 agorot y 1/2, 1, 2, 5 y 10 nuevos xéquel y billez de 20, 50, 100 y 200 nuevos xéquel .
O codigo ISO 4217 ye ILS y a suya abreviadura ye o simbolo ₪ –una combinación d'as inicials hebreas d'as palabras xéquel (ש) y jadash (ח) – u bien s'abrevia שח (prenunciau xaj). Se divide en 100 agorot (hebreu אגורות; en singular agorá, hebreu אגורה; en arabe اغورة, agūra). Dende l'1 de chinero de 2003 o NIS ye una moneda librement convertible.
Referencias
Categoría:Monedas Categoría:Economía d'Israel