Run for the Sun (títol orichinal en anglés, en aragonés Cursa por o sol, estrenada en Aragón con o títol en castellano d'Huída hacia el sol, en aragonés Fuyida enta lo sol) ye una cinta de cine estausunidense de cine d'intriga d'aventuras estrenada l'anyo 1956, dirichida por Roy Boulting seguntes un guión adaptau por Dudley Nichols y Roy Boulting (basau en The Most Dangerous Game, una historia curta de Richard Connell publicada en 1924), con una banda sonora orichinal de Fred Steiner, una dirección de fotografía de Joseph La Shelle, una producción cinematografica de Robert Waterfield y Harry Tatelman ta la productora cinematografica Russ-Field Corporation y un elenco d'o cual en fan parte, entre d'atros actors, Richard Widmark, Trevor Howard, Jane Greer y Peter van Eyck. Ya heba habiu dos adaptacions anteriors d'a obra en que se basa la cinta, The Most Dangerous Game (1932, Ernest B. Schoedsack y Irving Pichel), y A Game of Death (1945, Robert Wise), un "remake" de l'anterior.
Katie Connors ye una periodista estausunidense que plega en o lugarón de San Marcos en Mexico en busca de Mike Latimer, un novelista que cuan se trobaba en o millor momento d'a suya carrera como escritor desapareixió d'a vida publica. Latimer yera en San Marcos adedicando-se a la caza, la pesca y los vuelos en o suyo avión, y Connors se fa conoixer, amostrando Latimer intrés por ella, a la vegada que ella tamién poquet a poquet s'enamora, encara que contina amagando-li lo motivo d'a suya estada en o lugar. Cuan Latimer explica que lo motivo d'o suyo abandono fue que su muller, que yera la suya musa, l'abandonó por o suyo millor amigo, Connors decide tornar en Nueva York y Latimer li ufre levar-la en o suyo avión dica Ciudat de Mexico. Tanimientres, por un incident inesperau motivau por o bolso magnetizau de Connors, la bruixula de l'avión falla, se quedan sin combustible y s'estrelan en bel meyo d'a selva tropical. Latimer ha perdiu o sentiu y en despertar se troba en una cama, a on l'han levau os suyos salvadors, Browne, un anglés, Van Anders, un arqueologo neerlandés, y Jan, un atro europeu. Latimer descubre que viven sin contacto con o mundo exterior, que Browne poseye cans ta guardar o lugar con pretexto d'a caza y que mantienen dominada a la población nativa. Cuan Latimer marcha a veyer l'estau d'o suyo avión, troba que iste ha desapareixiu. A traviés d'as noticias en a radio, conoix que s'ha feito publica la suya desaparición y tamién conoix o motivo d'a visita de Connors, sentido-se enganyau. Y cuan dimpués troba restos d'o suyo avión amagaus y obchectos con simbolochía nazi, prencipia a sospeitar, dica que reconoix a voz de Browne, que no ye so que un britanico que heba traicionau a lo suyo país mientres a guerra y que feba emisions por radio dende lo Tercer Reich como propaganda contra los Aliaus, y que Van Anders no ye so que un nazi alemán que heba feito crímens de guerra. Cuan veyen quel'obchectivo d'os suyos captors ye matar-los u a lo menos mantener-los indefinidament secuestraus, Latimer prepara un plan ta fuyir.
A cinta s'ambienta en a suya epoca actual (1956) en Mexico y las suyas escenas se filmoron en Atlacomulco (estau de Mexico) y Acapulco de Juárez (estau de Guerrero) en Mexico, amás d'en os Estudios Churubusco Azteca en Ciudat de Mexico. Localizacions de Run for the Sun en Internet Movie Database.
Elenco Run for the Sun en Internet Movie Database. Actor Papel Notas ''''
Se veiga tamién Cine en 1956. Cintas de 1956.
Referencias
Vinclos externos Run for the Sun en Internet Movie Database. Run for the Sun en TCM Movie.
Categoría:Cintas ambientadas en Mexico Categoría:Cintas ambientadas en 1956 Categoría:Cintas con banda sonora orichinal de Fred Steiner Categoría:Cintas con dirección de fotografía de Joseph La Shelle Categoría:Cintas con guión de Dudley Nichols Categoría:Cintas con guión de Roy Boulting Categoría:Cintas con montache de Frederic Knudtson Categoría:Cintas de cine d'aventuras Categoría:Cintas de cine d'intriga Categoría:Cintas d'Estaus Unius Categoría:Cintas dirichidas por Roy Boulting Categoría:Cintas en alemán Categoría:Cintas en anglés Categoría:Cintas en castellano Categoría:Cintas en Technicolor Categoría:Cintas interpretadas por Jane Greer Categoría:Cintas interpretadas por Peter van Eyck Categoría:Cintas interpretadas por Richard Widmark Categoría:Cintas interpretadas por Trevor Howard Categoría:Cintas producidas por Harry Tatelman Categoría:Cintas producidas por Robert Waterfield Categoría:Cintas rodadas en Acapulco de Juárez Categoría:Cintas rodadas en Atlacomulco Categoría:Cintas rodadas en Ciudat de Mexico