Enemy at the Gates (títol orichinal en anglés, en aragonés Enemigo en as puertas, estrenada en Aragón con o suyo títol traduciu enta lo castellano como Enemigo a las puertas) ye una cinta de cine belico coproducida por o cine estausunidense, lo cine britanico, lo cine francés, o cine alemán y lo cine irlandés estrenada l'anyo 2001, dirichida por Jean-Jacques Annaud seguntes un guión adaptau por él mesmo y por Alain Godard (basau en o libro Enemy at the Gates: The Battle for Stalingrad, publicau por William Craig en 1973), con una banda sonora orichinal de James Horner, una dirección de fotografía de Robert Fraisse, una producción cinematografica de Jean-Jacques Annaud ta las productoras Mandalay Pictures, Repérage Films y Paramount Pictures y que conta con un elenco d'actors formau por Jude Law, Joseph Fiennes, Rachel Weisz, Bob Hoskins, Ed Harris, Ron Perlman, Eva Mattes, Gabriel Thomson, Matthias Habich, Andrej Kaminsky, Robert Stadlober y Tom Wlaschiha, entre d'atros.
A cinta se basa en o personache historico de Vasily Zaitsev, un soldau de l'Exercito Royo que destacó mientres a batalla de Stalingrado como francotirador, tal como la conta l'historiador William Craig en o suyo libro Enemy at the Gates: The Battle for Stalingrad, encara que con muitas licencias narrativas. Prencipia cuan Vasily Zaitsev plega como soldau destinau a reforzar a las tropas de l'Exercito Royo que resisten en Stalingrado l'ataque d'o 6eno Exercito Alemán. Nomás trescruzar o río Volga y plegar en Stalingrado, lo ninvían a un ataque suicida, mesmo sin disposar d'un fusil, y ye lo solo superviviemt de l'ataque, amagando-se en un grupo de cadavres. Por casualidat Danilov, un comisario politico ruso s'amaga con él y ye testigo de cómo Zaitsev mata a cinco soldaus alemans en menos d'un minuto. Cuan poco dimpués Nikita Kruschev ye arengando a los oficials sovieticos y demanando plans ta debantar a moral d'os suyos soldaus, Danilov proposa dar-lis asperanza y suchiere emplegar a Zaitsev como un eixemplo ta las tropas en destacando as suyas capacidaz militars. Tranfieren a Zaitsev enta la división de francotiradors y publicitan de contino las suyas fetas, convertendo-lo en un soldau ben fundament admirau por os soldaus y por tot o pueblo d'a Unión Sovietica. Cuan os alemans veyen que los francotiradors son matando a muitos alemans, deciden ninviar a Stalingrado a lo comandant Erwin König, un d'os suyos destacaus francotiradors, con l'obchectivo de matar a Zaitsev. Iste ha conoixiu a Tania Chernova, una mesacha soldau, de qui s'ha enamorau y lo sentimiento ye mutuo, pero tamién Danilov s'ha enamorau d'ella y preba de protecher-la d'os periglos d'estar soldau en ixa batalla en transferindo-la a una unidat d'intelichencia. Prencipia tamién una luita entre Zaitsev y König por veyer qui de los dos puet matar a l'atro, a la vegada que Danilov se resiente de l'amor entre Zaitsev y Chernova, dica lo punto que la mesacha consigue tamién o suyo treslau enta la unidat de francotiradors.
A cinta s'ambienta en a ciudat de Stalingrado en a Unión Sovietica (hue dita Volgograd, en Rusia) en l'anyo 1942 y las suyas escenas se filmoron en Potsdam y Rüdersdorf (Brandemburgo) y en localizacions en Bavera en Alemanya. Localizacions d'Enemy at the Gates en Internet Movie Database.
Ye una cinta que ha recibiu bellas nominacions a bels premios cinematograficos, en destacando tres nominacions a los Premios d'o Cine Europeu (Premio Jameson d'o Publico d'os Premios d'o Cine Europeu a la Millor Actriz, Premio Jameson d'o Publico d'os Premios d'o Cine Europeu a o Millor Actor y Premio Jameson d'o Publico d'os Premios d'o Cine Europeu a o Millor Director) en a suya 14ena edición.
Elenco Enemy at the Gates en Internet Movie Database. Actor Papel Notas ''''
Se veiga tamién Cine en 2001. Cintas de 2001.
Referencias
Vinclos externos Enemy at the Gates en Internet Movie Database. Enemy at the Gates en Rotten Tomatoes. Enemy at the Gates en Metacritic. Enemy at the Gates en Box Office Mojo.
Categoría:Cintas ambientadas en Volgograd Categoría:Cintas ambientadas en 1942 Categoría:Cintas con banda sonora orichinal de James Horner Categoría:Cintas con dirección de fotografía de Robert Fraisse Categoría:Cintas con guión d'Alain Godard Categoría:Cintas con guión de Jean-Jacques Annaud Categoría:Cintas con montache de Humphrey Dixon Categoría:Cintas con montache de Noëlle Boisson Categoría:Cintas de cine belico Categoría:Cintas d'Alemanya Categoría:Cintas d'Estaus Unius Categoría:Cintas de Francia Categoría:Cintas d'Irlanda Categoría:Cintas d'o Reino Uniu Categoría:Cintas dirichidas por Jean-Jacques Annaud Categoría:Cintas en alemán Categoría:Cintas en anglés Categoría:Cintas en ruso Categoría:Cintas en Color by DeLuxe Categoría:Cintas en Panavision Categoría:Cintas interpretadas por Andrej Kaminsky Categoría:Cintas interpretadas por Bob Hoskins Categoría:Cintas interpretadas por Ed Harris Categoría:Cintas interpretadas por Eva Mattes Categoría:Cintas interpretadas por Gabriel Thomson Categoría:Cintas interpretadas por Joseph Fiennes Categoría:Cintas interpretadas por Jude Law Categoría:Cintas interpretadas por Matthias Habich Categoría:Cintas interpretadas por Rachel Weisz Categoría:Cintas interpretadas por Robert Stadlober Categoría:Cintas interpretadas por Ron Perlman Categoría:Cintas interpretadas por Tom Wlaschiha Categoría:Cintas producidas por Jean-Jacques Annaud Categoría:Cintas rodadas en Bavera Categoría:Cintas rodadas en Potsdam Categoría:Cintas rodadas en Rüdersdorf Categoría:Cintas de cine sobre a Segunda Guerra Mundial