Iste articlo ye sobre una cinta estausunidense de cine d'acción d'intriga de l'anyo 2014; ta atros usos, se veiga The Equalizer.
The Equalizer (títol orichinal en anglés, en aragonés L'ecualizador, estrenada en Aragón con o títol en castellano y anglés de The Equalizer. El protector, en aragonés L'ecualizador. O protector) ye una cinta de cine estausunidense de cine d'intriga d'acción estrenada l'anyo 2014, dirichida por Antoine Fuqua seguntes un guión adaptau por Richard Wenk (basau en o guión d'a serie de televisión The Equalizer, de Michael Sloan y Richard Lindheim), con una banda sonora orichinal de Harry Gregson-Williams, una dirección de fotografía de Mauro Fiore, una producción cinematografica de Todd Black, Jason Blumenthal, Denzel Washington, Alex Siskin, Steve Tisch, Mace Neufeld, Tony Eldridge y Michael Sloan ta las productoras Columbia Pictures, LStar Capital, Village Roadshow Pictures, Escape Artists, Mace Neufeld Productions y Zhiv Productions y un elenco d'actors d'o cual en fan parte Denzel Washington, Marton Csokas, Chloë Grace Moretz, David Harbour, Haley Bennett, Bill Pullman, Melissa Leo, David Meunier, Johnny Skourtis, Alex Veadov, Vladimir Kulich y Roger Mitchell, entre d'atros.
Robert McCall ye un antigo miembro d'o United States Marine Corps, a Defense Intelligence Agency y lo Defense Clandestine Service que treballa actualment en un gran almagacén de productos de bricolache en Boston. En tener problemas ta poder dormir, gosa pasar as nueiz en un bar ubierto toda la nueit, a on i fa amistat con Teri, una mesacha prostituyida por a mafia rusa. Finalment, a mesacha li da lo suyo verdadero nombre, Alina, y son paseyando chuntos cuan plega un automóbil d'o cual baixa Slavi, lo proxeneta, qui obliga a Alina a dentrar en l'auto y da una tarcheta a Robert decindo-le que tien prostitutas millors que Alina. Días dimpués, Robert conoix que Alina hye ingresada en un hespital como consecuencia de que l'ha sostovau Slavi, y Robert marcha enta lo local a on Slavi tien a suya "seu social" seguntes a tarcheta que li heba dau, y li proposa de pagar-li por a libertat d'a mesacha, pero Slavi se niega y se ríe d'él. Robert fa los suyos calculos y creye que en nomás que 19 segundos habrá matau a Slavi y a los suyos farutes, y efectivament lo fa. Pero lo que no sabeba Robert ye que ixe grupo feba parte d'un rete mas amplo controlau por o mafioso Vladimir Pushkin, y iste ninvía a lo suyo segundo, Teddy Rensen, a vengar-se. Iste ye un antigo espía sovietico bien entrenau, y que conta con o refirme no nomás que d'os mafiosos d'a ciudat, so que tamién de policías corruptos, y prencipia la busca d'o culpable d'a muerte de Slavi, matando a cualsiquiera con qui se troba mientres ixe proceso, incluyida una amiga d'Alina, plegando mesmo a secuestrar a los treballadors d'o gran almagacén a on i treballa Robert.
A cinta s'ambienta en a suya epoca actual (2014) en Boston (Massachusetts) y las suyas escenas se filmoron en Boston, Cambridge, Chelsea, Haverhill, Ipswich, Quincy, Salisbury y South Hamilton (Massachusetts). Localizacions de The Equalizer en Internet Movie Database.
The Equalizer ha teniu continidat con atras dos cintas: The Equalizer 2 (2018, Antoine Fuqua) y The Equalizer 3 (2018, Antoine Fuqua), todas dos con os memos actor protagonista y director cinematografico que la primera.
Ye una cinta que ha estau obchecto de bels premios y nominación, encara que garra d'istos premios no fa parte d'os premios cinematograficos mas conoixius u destacaus.
Elenco The Equalizer en Internet Movie Database. Actor Papel Notas ''''
Se veiga tamién Cine en 2014. Cintas de 2014.
Referencias
Vinclos externos The Equalizer en Internet Movie Database. The Equalizer en Box Office Mojo. The Equalizer en Rotten Tomatoes.
Categoría:Cintas ambientadas en Boston Categoría:Cintas ambientadas en 2014 Categoría:Cintas con banda sonora orichinal de Harry Gregson-Williams Categoría:Cintas con dirección de fotografía de Mauro Fiore Categoría:Cintas con guión de Richard Wenk Categoría:Cintas con montache de John Refoua Categoría:Cintas de cine d'acción Categoría:Cintas de cine d'intriga Categoría:Cintas d'Estaus Unius Categoría:Cintas dirichidas por Antoine Fuqua Categoría:Cintas en alemán Categoría:Cintas en anglés Categoría:Cintas en castellano Categoría:Cintas en ruso Categoría:Cintas en ucrainés Categoría:Cintas en Color by DeLuxe Categoría:Cintas en Panavision Categoría:Cintas interpretadas por Alex Veadov Categoría:Cintas interpretadas por Bill Pullman Categoría:Cintas interpretadas por Chloë Grace Moretz Categoría:Cintas interpretadas por David Harbour Categoría:Cintas interpretadas por David Meunier Categoría:Cintas interpretadas por Denzel Washington Categoría:Cintas interpretadas por Haley Bennett Categoría:Cintas interpretadas por Johnny Skourtis Categoría:Cintas interpretadas por Marton Csokas Categoría:Cintas interpretadas por Melissa Leo Categoría:Cintas interpretadas por Roger Mitchell Categoría:Cintas interpretadas por Vladimir Kulich Categoría:Cintas producidas por Alex Siskin Categoría:Cintas producidas por Denzel Washington Categoría:Cintas producidas por Jason Blumenthal Categoría:Cintas producidas por Mace Neufeld Categoría:Cintas producidas por Michael Sloan Categoría:Cintas producidas por Steve Tisch Categoría:Cintas producidas por Todd Black Categoría:Cintas producidas por Tony Eldridge Categoría:Cintas rodadas en Boston Categoría:Cintas rodadas en Cambridge (Massachusetts) Categoría:Cintas rodadas en Chelsea (Massachusetts) Categoría:Cintas rodadas en Haverhill (Massachusetts) Categoría:Cintas rodadas en Ipswich (Massachusetts) Categoría:Cintas rodadas en Quincy (Massachusetts) Categoría:Cintas rodadas en Salisbury (Massachusetts) Categoría:Cintas rodadas en South Hamilton