Iste articlo ye sobre una cinta estausunidense de cine d'intriga de terror; ta atros usos, se veiga The Spiral Staircase y The Spiral Staircase (cinta).

The Spiral Staircase (títol orichinal en anglés, en aragonés L'escala de caragol, estrenada en Aragón con o suyo títol traduciu enta lo castellano como La escalera de caracol) ye una cinta de cine estausunidense de cine d'intriga de terror estrenada l'anyo 1946, dirichida por Robert Siodmak seguntes un guión adaptau por Mel Dinelli (basau en Some Must Watch, una novela que heba publicau en 1933 Ethel Lina White), con una dirección de fotografía de Nicholas Musuraca, una banda sonora orichinal de Roy Webb y una producción cinematografica de Dore Schary ta las productoras RKO Radio Pictures y Vanguard Films. L'elenco d'actors d'a cinta ye formau, entre d'atros, por Dorothy McGuire, George Brent, Ethel Barrymore, Kent Smith, Gordon Oliver, Rhonda Fleming, Elsa Lanchester, Sara Allgood, Rhys Williams, James Bell y Erville Alderson.

En 1906 en un lugarón de Vermont, Helen (que ye muda) ye veyendo en un cine una cinta de cine mudo y mientres a prochección d'a cinta, una muller coixa marcha d'a cinta, estando poco dimpués asasinada en a suya cambra por un hombre que s'amagaba en un almario, estando lo tercer asasinato pareixiu en o lugar en os zaguers tiempos. Parry, un choven medico que fa poco que ha plegau enta lo lugar, acompanya a Helen a la casa a on i treballa, la casa d'os Warren, estando qui fa companyía a la sinyora Warren, que ye malauta. En a casa vive tamién Albert, lo fillastro d'a sinyora Warren, qui ha estau qui l'ha cudiau mientres muito tiempo, y Steven, fillo d'a sinyora y chirmanastro de l'anterior, un lampurnero que ha viviu bel tiempo en París y acaba de tornar enta lo lugar. Amás en a casa treballa la sinyora Oates (como casera), o sinyor Oates que fa una mica de tot, Blanche, secretaria d'Albert que mantiene una relación con Steven, y la sinyora Barker, una enfermera a qui la sinyora Warren fa disprecio. A sinyora Warren pareixe estar obsesionada con que Helen se troba menazada y insiste terne que terne que marche d'a casa, a on i ye en periglo, y mesmo demana a lo doctor Parry que marche con a mesacha y iste diz a Helen que quiere aduyar-la a superar o trauma que l'ha convertiu en muda, la muerte de sus pais en un incendio. Blanche, en saber que Helen finalment marchará ixa nueit d'a casa, demana si puet marchar con ella, en haber teniu una discusión con su amant. Sindembargo, Helen la troba asasinada y los feitos li fan sospeitar que l'asasino ha estau Steven,asinas que onsigue zarrar-lo en o soterranyo. Preba de trucar a Perry, pero en no poder charrar li ye imposible explicar-le. Troba a Albert y li escribe en un papel que Blanche ha estau asasinada, y iste li confiesa que ha estau él, porque estaba enamorau d'ella pero ella no lo yera d'él, y tamién confiesa que lo suyo obchectivo ye matar a toz os "débils y imperfectos" d'o mundo, influyiu por a obsesión de su pai de que sus fillos estasen bien fuertes y perfectos. Helen fuye enta la cambra d'a sinyora Warren, y dimpués preba de baixar ta liberar a Steven, pero Albert la ye asperando.

A cinta s'ambienta en 1906 en Vermont y las suyas escenas se filmoron en Detroit (Michigan) y en os RKO Studios en Los Angeles (California). Localizacions de The Spiral Staircase en Internet Movie Database.

The Spiral Staircase ha recibiu bels premios y nominacions, en destacado una nominación a lo Premio Oscar a la Millor Actriz Segundaria en 1947 mientres a 19ena edición d'os Premios Oscar.

Elenco The Spiral Staircase en Internet Movie Database. {|class="wikitable sortable" style="font-size: 90%;"

! style="background:#ABD2D0;" | Actor ! style="background:#ABD2D0;" | Papel ! style="background:#ABD2D0;" | Notas

| ''

Se veiga tamién Cine en 1946. Cintas de 1946.

Referencias

Vinclos externos The Spiral Staircase en Internet Movie Database. The Spiral Staircase en l'American Film Institute Catalog de l'American Film Institute''. The Spiral Staircase en TCM Movie.

Categoría:Cintas ambientadas en Vermont Categoría:Cintas ambientadas en 1906 Categoría:Cintas con banda sonora orichinal de Roy Webb Categoría:Cintas con dirección de fotografía de Nicholas Musuraca Categoría:Cintas con guión de Mel Dinelli Categoría:Cintas con montache de Harry Gerstad Categoría:Cintas con montache de Harry Marker Categoría:Cintas de cine d'intriga Categoría:Cintas de cine de terror Categoría:Cintas d'Estaus Unius Categoría:Cintas dirichidas por Robert Siodmak Categoría:Cintas en anglés Categoría:Cintas en blanco y negro Categoría:Cintas interpretadas por Dorothy McGuire Categoría:Cintas interpretadas por Elsa Lanchester Categoría:Cintas interpretadas por Erville Alderson Categoría:Cintas interpretadas por Ethel Barrymore Categoría:Cintas interpretadas por George Brent Categoría:Cintas interpretadas por Gordon Oliver Categoría:Cintas interpretadas por James Bell Categoría:Cintas interpretadas por Kent Smith Categoría:Cintas interpretadas por Rhonda Fleming Categoría:Cintas interpretadas por Rhys Williams Categoría:Cintas interpretadas por Sara Allgood Categoría:Cintas producidas por Dore Schary Categoría:Cintas rodadas en Detroit Categoría:Cintas rodadas en Los Angeles