Iste articlo ye sobre una cinta australo-franco-estausunidense de comedia romantica de l'anyo 1990; ta atros usos, se veiga Green card.

Green Card (títol orichinal en anglés, en aragones Carta verda, estrenada en Aragón con o titol de Matrimonio de conveniencia) ye una cinta de cine de comedia romantica coproducida por o cine estausunidense, lo cine australiano y lo cine francés estrenada l'anyo 1990, dirichida por Peter Weir seguntes un guión orichinal d'él mesmo, con una banda sonora orichinal de Hans Zimmer, una dirección de fotografía de Geoffrey Simpson, una producción cinematografica d'o mesmo Peter Weir ta las productoras Touchstone Pictures, Australian Film Finance Corporation y Lam Ping y un elenco d'actors d'o cual en fan parte Gérard Depardieu, Andie MacDowell, Bebe Neuwirth, Gregg Edelman, Robert Prosky, Mary Louise Wilson, Lois Smith, John Spencer, Ann Dowd, Larry Wright y Ethan Phillips, entre d'atros.

Brontë Parrish ye una horticultora y ambientalista estausunidense que vive en Nueva York y deseya logar un apartamento con un gran hibernadero, ta lo cual amenista lo permiso d'a comunidat de propietarios que consideran imprescindible que sía casada. Por ixo alcuerda un matrimonio de conveniencia con Georges Fauré, un immigrant francés que amenista fer a voda ta conseguir una varta verda, ye decir, un permiso d'estancia en Estaus Unius. Ta chustificar l'ausencia d'o suyo aparent mariu en l'apartamento, explica que iste se troba viachando en Africa en fendo fotografías d'a fauna salvache. Tanimientres, bel día los servicios d'immigración estausunidenses li demanan una entrevista ta comprobar a veracidat d'o suyo matrimonio y Brontë contacta con Georges, que treballaba como cambrero en un restaurant. Iste se troba asinas en l'apartamento lo día d'a entrevista, pero los achents no quedan convencius y lis dan cita en as suyas oficinas bels días dimpués ta continar con as comprobacions. Como consecuencia, Georges s'instala en l'apartamento y toz dos dedican tiempo a conoixer os datos de l'atro que lis pueden preguntar os servicios d'immigración, pero ixo tamién fa que se conoixcan fundament l'uno a l'atro y sobretot que vecins, amigos y la familia de Brontë sepan d'a existencia de George y, encara que a amigos y familia la mesacha explica que son nomás que amigos, toz creyen que entre éls bi ha bella relación mas funda.

Green Card s'ambienta en a suya epoca actual (1990) en Nueva York (Nueva York) y las suyas escenas se filmoron en ixa mesma ciudat. Localizacions de Green Card en Internet Movie Database.

Se tracta d'una cinta que ha recibiu bels premios y noinacions, en destacando una nominación a lo Premio Oscar a lo Millor Guión Orichinal en 1991 en a 63ena edición d'os Premios Oscar; una nominación a lo Premio BAFTA a lo Millor Guión Orichinal en 1992 en a 45ena edición d'os Premios BAFTA; y dos Premios Globos d'Oro (Millor Cinta de Musical u Comedia y Millor Actor de Musical u Comedia) y una nominación (Millor Actriz de Musical u Comedia) en 1991 mientres a 48ena edición de ditos premios.

Elenco Green Card en Internet Movie Database. Actor Papel Notas ''''

Se veiga tamién Cine en 1990. Cintas de 1990.

Referencias

Vinclos externos Green Card en Internet Movie Database. Green Card en Box Office Mojo.

Categoría:Cintas ambientadas en Nueva York (ciudat) Categoría:Cintas ambientadas en 1990 Categoría:Cintas con banda sonora orichinal de Hans Zimmer Categoría:Cintas con dirección de fotografía de Geoffrey Simpson Categoría:Cintas con guión de Peter Weir Categoría:Cintas con montache de William M. Anderson Categoría:Cintas de cine de comedia Categoría:Cintas de cine de romance Categoría:Cintas d'Australia Categoría:Cintas d'Estaus Unius Categoría:Cintas de Francia Categoría:Cintas dirichidas por Peter Weir Categoría:Cintas en anglés Categoría:Cintas en castellano Categoría:Cintas en francés Categoría:Cintas en Panavision Categoría:Cintas en Technicolor Categoría:Cintas interpretadas por Andie MacDowell Categoría:Cintas interpretadas por Ann Dowd Categoría:Cintas interpretadas por Bebe Neuwirth Categoría:Cintas interpretadas por Ethan Phillips Categoría:Cintas interpretadas por Gérard Depardieu Categoría:Cintas interpretadas por Gregg Edelman Categoría:Cintas interpretadas por John Spencer Categoría:Cintas interpretadas por Larry Wright Categoría:Cintas interpretadas por Lois Smith Categoría:Cintas interpretadas por Mary Louise Wilson Categoría:Cintas interpretadas por Robert Prosky Categoría:Cintas producidas por Peter Weir Categoría:Cintas rodadas en Nueva York (ciudat) Categoría:Premio Globo d'Oro a la Millor Cinta de Musical u Comedia