Iste articlo ye sobre una cinta estasunidense de comedia romantica; ta lo musical, se veiga Tootsie (musical).

Tootsie (títol orichinal, estrenada en Aragón con ixe mesmo títol) ye una cinta de cine estausunidense de cine de comedia romantica estrenada l'anyo 1982, dirichida por Sydney Pollack seguntes un guión adaptau por Larry Gelbart y Murray Schisgal (basau en una historia de Don McGuire y Larry Gelbart), con una banda sonora orichinal de Dave Grusin, una dirección de fotografía d'Owen Roizman y una producción cinematografica de Sydney Pollack y Dick Richards ta la productora cinematografica Mirage Enterprises. Conta con un elenco d'o cual en fan parte, entre d'atros, os actors Dustin Hoffman, Jessica Lange, Teri Garr, Dabney Coleman, Charles Durning, Bill Murray, Sydney Pollack, George Gaynes, Geena Davis, Doris Belack, Ellen Foley, Lynne Thigpen, Amy Lawrence, Christine Ebersole, Anne Shropshire, y Susan Egbert.

Michael Dorsey ye un actor de teatro de Nueva York. Ye buen actor, pero denguno no quiere contractar-lo en estar terriblement perfeccionista en o suyo treballo y se veye obligau a treballar como cambrero en un restaurant. A suya amiga Sandy Lester li diz que quiere que la contracten ta treballar en una serie de televisión de prou exito a on ha d'interpretar a un nuevo personache, una administradora d'o hespital a on se i ambienta la serie clamada Emily Kimberly, y li demana aduya ta acunzar a suya interpretación. En trobar-se bien apretau de diners y dimpués de discutir con o suyo achent, Michael decide disvrazar-se de muller, adoptando lo nombre de Dorothy Michaels, y presentar-se ta lo casting de selección d'actrices ta lo personache, ta poder conseguir os 8.000 dólars que amenista ta producir una obra teatral d'o suyo companyero de piso, Jeff Slater, y que han de protagonizar él y Sandy. Nomás prencipiar o rodache d'o primer episodio a on ha d'intervenir, Michael dota a lo suyo personache d'un femnismo activo bien luent d'o que s'asperaba por os guionistas y productors d'a serie, pero finalment li deixan fer, y bien luego la suya interpretación fa puyar muito l'audiencia d'a serie, en buena part por a suya gran capacidat ta improvisar mientres o rodache d'as escenas. Michael bien luego se siente atrayiu por Julie Nichols, una d'as actrices precipals d'a serie, que ye ma soltera y tien una relación poco satisfactoria con o productor d'a serie. Cuan Julie se fa poquet a poquet amiga de "Dorothy", Michael la convence ta que abandone a lo productor y la mesacha convida a "Dorothy" a la suya casa, se troba con o problema de que lo suyo pai s'enamora de "Dorothy". Michael, bien cansau d'o papel, aproveita lo rodache en directo d'o zaguer episodio d'a temporada d'a serie ta escarrazar-se d'o suyo disfraz de muller y amostrar publicament que ye un hombre.

Tootsie s'ambienta en a ciudat de Nueva York (Nueva York) en a suya epoca actual (1982) y las suyas escenas se filmoron en Hurley y Nueva York (Nueva York). Localizacions de Tootsie en Internet Movie Database.

Ista cinta ha recibiu cuantismos premios y nominacions, en destacando un Premio Oscar a la Millor Actriz Segundaria y atras nueu nominacions (Millor Cinta, Millor Director, Millor Actor, Millor Actriz Segundaria, Millor Guión Orichinal, Millor Fotografía, Millor Montache, Millor Canción Orichinal y Millor Soniu) en 1983 mientres a 55ena edición d'os Premios Oscar; dos Premios BAFTA (Millor Actor y Millor Maquillache y Peluquería) amás d'atras siet nominacions (Millor Cinta, Millor Director, Millor Actriz, Millor Actriz Segundaria, Millor Guión Adaptau, Millor Disenyo de Vestuario y Millor Canción Orichinal) en 1984 mientres a 37ena edicion d'os Premios BAFTA; una nominación a lo Premio César a la Millor Cinta Forana en 1984 mientres a 9ena edición d'os Premios César; dos nominacions a los Premios David de Donatello (Millor Actor Forano y Millor Actriz Forana) en 1983 mientres a 28ena edición d'os Premios David de Donatello; y tres Premios Globos d'Oro (Millor Cinta de Musical u Comedia, Millor Actor de Musical u Comedia y Millor Actriz Segundaria), amás d'atras dos nominacions (Millor Director y Millor Guión) en 1983 mientres a 40ena edición d'os Premios Globos d'Oro.

Elenco Kramer vs. Kramer en Internet Movie Database. {|class="wikitable sortable" style="font-size: 90%;"

! style="background:#ABD2D0;" | Actor ! style="background:#ABD2D0;" | Papel ! style="background:#ABD2D0;" | Notas

| ''

Se veiga tamién Cine en 1982. Cintas de 1982.

Referencias

Vinclos externos

Tootsie en Internet Movie Database. Tootsie en Box Office Mojo. Tootsie en l'American Film Institute Catalog de l'American Film Institute''. Tootsie en TCM Movie Database.

Categoría:Cintas ambientadas en Nueva York (ciudat) Categoría:Cintas ambientadas en 1982 Categoría:Cintas con banda sonora orichinal de Dave Grusin Categoría:Cintas con dirección de fotografía d'Owen Roizman Categoría:Cintas con guión de Larry Gelbart Categoría:Cintas con guión de Murray Schisgal Categoría:Cintas con montache de Fredric Steinkamp Categoría:Cintas con montache de William Steinkamp Categoría:Cintas de cine de comedia Categoría:Cintas de cine de romance Categoría:Cintas d'Estaus Unius Categoría:Cintas dirichidas por Sydney Pollack Categoría:Cintas en anglés Categoría:Cintas en Panavision Categoría:Cintas en Technicolor Categoría:Cintas interpretadas por Amy Lawrence Categoría:Cintas interpretadas por Anne Shropshire Categoría:Cintas interpretadas por Bill Murray Categoría:Cintas interpretadas por Charles Durning Categoría:Cintas interpretadas por Christine Ebersole Categoría:Cintas interpretadas por Dabney Coleman Categoría:Cintas interpretadas por Doris Belack Categoría:Cintas interpretadas por Dustin Hoffman Categoría:Cintas interpretadas por Ellen Foley Categoría:Cintas interpretadas por Geena Davis Categoría:Cintas interpretadas por George Gaynes Categoría:Cintas interpretadas por Jessica Lange Categoría:Cintas interpretadas por Lynne Thigpen Categoría:Cintas interpretadas por Susan Egbert Categoría:Cintas interpretadas por Sydney Pollack Categoría:Cintas interpretadas por Teri Garr Categoría:Cintas producidas por Dick Richards Categoría:Cintas producidas por Sydney Pollack Categoría:Cintas rodadas en Nueva York (ciudat) Categoría:Nominada a lo Premio BAFTA a la Millor Cinta Categoría:Nominada a lo Premio César a la Millor Cinta Forana Categoría:Nominada a lo Premio Oscar a la Millor Cinta Categoría:Premio Globo d'Oro a la Millor Cinta de Musical u Comedia