Malaquías Gil Arántegui (Zaragoza, 15 de setiembre de 1912 - Zaragoza, 8 d'agosto de 1988) estió un historiador, politico y sindicalista aragonés, consellero de Cultura d'o Consello Rechional de Defensa d'Aragón.
Biografía Se licenció en Historia en 1932 por a Universidat de Zaragoza a on estió profesor aduyant d'Historia Medieval. En l'anyo 1933 yera presidente d'a Federación Provincial de Treballadors de l'Amostranza (UGT) y tres anyos dimpués, en 1936, fue nombrau seretario cheneral de l'Agrupación Socialista. En zaguerías d'ixe mesmo anyo fació de representant d'o PSOE en a comisión permanent d'o Frente Popular en Uesca.
Ya prencipiada a Guerra Civil Espanyola y en o desarrollo d'as suyas funcions fació un pacto con a CNT en que a cuenta d'a obediencia d'istos a o Gubierno d'a Republica s'incautarían tierras a os faixistas, se fería una colectivización conchunta d'a tierras por parti d'as organizacions sindicals y se respectaría a libre decisión de labradors, industrials y comerciants a administrar-se por sí mesmos. En marzo de 1937 prene o mando d'a consellería de Cultura d'o Consello Rechional de Defensa d'Aragón que s'eba asignau a consellers d'a UGT y yera dirichida dica alavez por o suyo companyero de sindicato Manuel Latorre Salas. En chunio d'ixe mesmo anyo deixa o cargo en mans d'Arsenio Jimeno Velilla, historico dirichent socialista aragonés y s'incorpora a o frent como oficial de cartografía y comisario de dos brigadas mixtas d'a 31ena División, estando tamién comisario vocal d'os tribunals militares.
En rematar a guerra marcha ta Francia a on pasará por bels campos de concentracion antis de no embarcar-se enta a Republica Dominicana, a on plegará en noviembre de 1939. En iste país continará a suya carrera como profesor universitario y catedratico de Cheografía y Historia d'America, estando tamién un d'os fundadors d'a Universidat Nacional Pedro Henríquez Ureña (UNPHU). Murió en Zaragoza o 8 d'agosto de 1988, encara que ye apedecau en Santo Domingo.
Vinclos externos Malaquías Gil Arántegui. Fundación Pablo Iglesias. Malaquías Gil Arántegui en Real Academia de la Historia. Expo Consejo de Aragón
Categoría:Alumnos d'a Universidat de Zaragoza Categoría:Catedraticos d'Aragón Categoría:Gubierno Ascaso Categoría:Exiliaus aragoneses en a Republica Dominicana Categoría:Exiliaus d'o franquismo Categoría:Historiadors d'Aragón Categoría:Mayestros d'Aragón Categoría:Muertos en Zaragoza Categoría:Naixius de Zaragoza Categoría:Politicos d'Aragón Categoría:Politicos d'o Partido Socialista Obrero Español Categoría:Profesors d'Aragón Categoría:Profesors d'a Universidat de Zaragoza Categoría:Profesors universitarios d'Aragón Categoría:Sindicalistas d'Aragón Categoría:1912 (naixencias) Categoría:1988 (naixencias)