The Terminal (títol orichinal en anglés, en aragonés A terminal, estrenada en Aragón con o suyo títol traduciu enta lo castellano como La terminal) ye una cinta de cine estausunidense de cine de comedia dramatica estrenada l'anyo 2004, dirichida por Steven Spielberg seguntes un guión adaptau por Sacha Gervasi y Jeff Nathanson (basau en una historia d'Andrew Niccol y Sacha Gervasi), con una banda sonora orichinal de John Williams, una dirección de fotografía de Janusz Kamiński y una producción cinematografica de Walter F. Parkes, Laurie MacDonald y Steven Spielberg ta las productoras Amblin Entertainment y Parkes/MacDonald Productions. Conta con un elenco d'actors d'o cual en fan parte, entre d'atros, Tom Hanks, Catherine Zeta-Jones, Stanley Tucci, Barry Shabaka Henley, Kumar Pallana, Diego Luna, Chi McBride, Zoe Saldaña, Eddie Jones, Jude Ciccolella, Corey Reynolds, Guillermo Diaz, Rini Bell, Valery Nikolaev, Michael Nouri, Benny Golson, Scott Adsit, Mark Ivanir, Dan Finnerty y Stephen Mendel.
Viktor Navorski, un habitant de Krakozhia, plega enta l'Aeropuerto Internacional John F. Kennedy, en a ciudat de Nueva York (Nueva York, Estaus Unius). Mientres o suyo vuelo, s'ha produciu un golpe d'estau en o suyo país y lo Gubierno estausunidense no reconoix a lo nuevo Gubierno d'o suyo país, asinas que lo suyo pasaporte ha quedau invalidau mesmo ta dentrar en a ciudat de Nueva York que ta prener un avión de tornada enta lo suyo país, asinas que la sola opción legal que li queda ye de remanir en l'aeropuerto dica que se solucione la situación politica d'o suyo país. En ixe momento la suyas solas pertenencias son una maleta y una bolsa de cacahuets. Frank Dixon, lo directiv que ye a lo cudiau de l'aeropuerto, preba terne que terne de que marche ta que no sía lo suyo problema, pero Viktor insiste en remanir en l'aeropuerto y marchar legalment. Troba una aria de l'aeropuerto en obras y la converte en o suyo hogar provisional, aproveitando ta aprender inglés con una guía de viaches. Preba de conseguir menjar pero se li fa muit difícil en no tener diners, y las botigas de l'aeropuerto no el quieren contractar. En estar tanto tiempo en l'aropuerto prencipia a conoixer a bellos d'os suyos treballadors, fendo amistat con un grupo d'éls formay por Joe Mulroy, qui treballa transportando equipaches, Enrique Cruz, que transporta un chicot cambión de birolla, y Gupta Rajan, que treballa en a limpieza. Enrique li ufre dar-li toda la birolla que ameniste si li fa de mediador con Dolores Torres, una achent d'immigración de qui ye enamorau. Viktor ha conoixiu tamién a Amelia, una azafata, encaara que ista tien una relación con un hombre casau. Tamién por casualidat li proposan pagar-li en negro treballando en as obras que se son fendo en a terminal, asinas que pareixe que tot ha trobau un punto d'equilibrio. Tanimientres, tot prencipia a cambiar cuan Viktor li fa cara a Dixon ta protecher a un ruso que transporta medecinas ta su pai malauto.
A cinta s'ambienta en a suya epoca actual (2004) en en a ciudat de Nueva York (Nueva York, Estaus Unius), y las suyas escenas se filmoron en l'Aeropuerto Rechional de Palmdale en Palmdale y en Los Angeles (California) y en Nueva York (Nueva York) en Estaus Unius, y en l'Aeropuerto Internacional de Mont-reyal-Mirabel en Mirabel (Québec) en Canadá. Localizacions de The Terminal en Internet Movie Database.
Se tracta d'una cinta que ha recibiu bels premios y nominacions, encara que garra d'éls no fa parte d'os premios cinematograficos mas conoixius u destacaus.
Elenco The Terminal en Internet Movie Database. Actor Papel Notas ''''
Se veiga tamién Cine en 2004. Cintas de 2004.
Referencias
Vinclos externos The Terminal en Internet Movie Database. The Terminal en Box Office Mojo. The Terminal en Rotten Tomatoes.
Categoría:Cintas ambientadas en Nueva York (ciudat) Categoría:Cintas ambientadas en 2004 Categoría:Cintas con banda sonora orichinal de John Williams Categoría:Cintas con dirección de fotografía de Janusz Kamiński Categoría:Cintas con guión de Jeff Nathanson Categoría:Cintas con guión de Sacha Gervasi Categoría:Cintas con montache de Michael Kahn Categoría:Cintas de cine de comedia Categoría:Cintas de cine de drama Categoría:Cintas d'Estaus Unius Categoría:Cintas dirichidas por Steven Spielberg Categoría:Cintas en anglés Categoría:Cintas en Panavision Categoría:Cintas en Technicolor Categoría:Cintas interpretadas por Barry Shabaka Henley Categoría:Cintas interpretadas por Benny Golson Categoría:Cintas interpretadas por Catherine Zeta-Jones Categoría:Cintas interpretadas por Chi McBride Categoría:Cintas interpretadas por Corey Reynolds Categoría:Cintas interpretadas por Dan Finnerty Categoría:Cintas interpretadas por Diego Luna Categoría:Cintas interpretadas por Eddie Jones Categoría:Cintas interpretadas por Guillermo Diaz Categoría:Cintas interpretadas por Jude Ciccolella Categoría:Cintas interpretadas por Kumar Pallana Categoría:Cintas interpretadas por Mark Ivanir Categoría:Cintas interpretadas por Michael Nouri Categoría:Cintas interpretadas por Rini Bell Categoría:Cintas interpretadas por Scott Adsit Categoría:Cintas interpretadas por Stanley Tucci Categoría:Cintas interpretadas por Stephen Mendel Categoría:Cintas interpretadas por Tom Hanks Categoría:Cintas interpretadas por Valery Nikolaev Categoría:Cintas interpretadas por Zoe Saldaña Categoría:Cintas producidas por Laurie MacDonald Categoría:Cintas producidas por Steven Spielberg Categoría:Cintas producidas por Walter F. Parkes Categoría:Cintas rodadas en Los Angeles Categoría:Cintas rodadas en Mirabel (Québec) Categoría:Cintas rodadas en Nueva York (ciudat) Categoría:Cintas rodadas en Palmdale (California)