Dead Again (títol orichinal en anglés, en aragonés Muerto nuevament, estrenada en Aragón con o títol en castellano de Morir todavía, en aragonés Morir encara) ye una cinta de cine negro d'intriga romantica coproducida por o cine estausunidense y locine britanico estrenada l'anyo 1991, dirichida por Kenneth Branagh seguntes un guión orichinal de Scott Frank, con una banda sonora orichinal de Patrick Doyle, una dirección de fotografía de Matthew F. Leonetti y una producción cinematografica de Lindsay Doran ta las productoras Mirage Enterprises y Renaissance Theatre Company. Fan parte de l'elenco d'actors d'a cinta, entre d'atros, Kenneth Branagh, Emma Thompson, Andy García, Derek Jacobi, Wayne Knight, Robin Williams, Hanna Schygulla, Campbell Scott, Jo Anderson, Lois Hall, Richard Easton, Gregor Hesse, Obba Babatundé, Vasek Simek, Christine Ebersole y Raymond Cruz.
Margaret Strauss muere en 1948 en Los Angeles mientres un robo en casa suya, apunyalada, y ha desapareixiu a suya chunillera. Pero consideran culpable a lo mariu, Roman Strauss, qui ye chuzgau y condenau a muerte. Antis d'estar executau, recibe a un periodista, Gray Baker, a qui cuan li pregunta sobre la suya culpabilidat fa mormorio, pero Baker no diz qué li ha dito a l'orella. 43 anyos dimpués, en 1991, o detective privau Mike Church investiga a petición d'as monchas a personalidat d'una muller sin memoria que ha apareixiu en l'hospicio a on él s'heba educau. Amás d'amnesia, la muller no charra y tien de contino malsuenios. Mike demana aduya a lo suyo amigo Pete Dugan, qui publica la forografía d'a muller y, como consecuencia, apareixe Franklyn Madson, un anticuario que practica la hipnosi y que suchiere que ixo puet aduyar. A la fin la muller baixo la hipnosi detalla aspectos d'a vida de Margaret y Roman en tercera persona, a la vegada que se constata que la muller y Mike son bien pareixius fisicament a lo matrimonio protagonista d'os feitos de 1948. Mike s'eamora d'a muller y s'implica plenament en o caso, y a la fin ista explica que Roman se trobaba aturau en o suyo proceso creativo (yera compositor) y que sospeitaba que su muller l'enganyaba con Baker. Amás, explica que Margaret heba trobau a lo fillo d'Inga, la criada, revisando las suyas choyas pero, en demanar a Roman que li dese palleta, iste se niega, decindo que Inga li heba salvau a vida mientres o Tercer Reich. En o proceso, la muller desconfía de Mike y creye que quiere matar-la. Descubren que la muller ye Amanda Sharp, una artista que heba perdiu a memoria en estar asaltada, y torna enta casa suya. D'atra man, Mike visita a Gray Baker, qui vive en un asilo, pero iste no li diz cosa, nomás que puet charrar con Inga, pero amás por lo que li diz deduz que l'anticuario Franklyn ye en realidat Freddie, lo fillo d'Inga, y que ye iste qui heba asasinau a Margaret en creyer-la culpable de que Roman hese refusau a su mai, que heba declarau o suyo amor a Roman. Bien luego deduz tamién que Franklyn en realidat creye que la muller con amnesia ye la reencarnación de Margaret y que ha de matar-la, asinas que marcha enta casa d'Amanda ta evitar-lo. Pero cuan i plega, Amanda continúa creyendo que ye Mike qui quiere matar-la.
A cinta s'ambienta en 1948 y en 1991 en Los Angeles (California); y las suyas escenas se filmoron en Los Angeles, Pasadena y atros puestos de California. Localizacions de Dead Again en Internet Movie Database.
Se tracta d'una cinta que ha recibiu bels premios y nominacions, en destacando una nominación a lo Premio BAFTA a lo Millor Actor Segundario en 1992 mientres a 45ena edición d'os Premios BAFTA, y una nominación a lo Premio Globo d'Oro a la Millor Banda Sonora Orichinal tamién en 1992, mientres a 49ena edición d'os Premios Globos d'Oro.
Elenco Dead Again en Internet Movie Database. Actor Papel Notas ''''
Se veiga tamién Cine en 1991. Cintas de 1991.
Referencias
Vinclos externos Dead Again en Internet Movie Database.
Categoría:Cintas ambientadas en Los Angeles Categoría:Cintas ambientadas en 1948 Categoría:Cintas ambientadas en 1991 Categoría:Cintas con banda sonora orichinal de Patrick Doyle Categoría:Cintas con dirección de fotografía de Matthew F. Leonetti Categoría:Cintas con guión de Scott Frank Categoría:Cintas con montache de Peter E. Berger Categoría:Cintas de cine d'intriga Categoría:Cintas de cine negro Categoría:Cintas de cine de romance Categoría:Cintas d'Estaus Unius Categoría:Cintas d'o Reino Uniu Categoría:Cintas dirichidas por Kenneth Branagh Categoría:Cintas en alemán Categoría:Cintas en anglés Categoría:Cintas en Technicolor Categoría:Cintas interpretadas por Andy García Categoría:Cintas interpretadas por Campbell Scott Categoría:Cintas interpretadas por Christine Ebersole Categoría:Cintas interpretadas por Derek Jacobi Categoría:Cintas interpretadas por Emma Thompson Categoría:Cintas interpretadas por Gregor Hesse Categoría:Cintas interpretadas por Hanna Schygulla Categoría:Cintas interpretadas por Jo Anderson Categoría:Cintas interpretadas por Kenneth Branagh Categoría:Cintas interpretadas por Lois Hall Categoría:Cintas interpretadas por Obba Babatundé Categoría:Cintas interpretadas por Raymond Cruz Categoría:Cintas interpretadas por Richard Easton Categoría:Cintas interpretadas por Robin Williams Categoría:Cintas interpretadas por Vasek Simek Categoría:Cintas interpretadas por Wayne Knight Categoría:Cintas producidas por Lindsay Doran Categoría:Cintas rodadas en California Categoría:Cintas rodadas en Los Angeles Categoría:Cintas rodadas en Pasadena (California)