O fardacho pirinenco () ye una especie de fardacho d'o chenero Lacerta y d'a familia Lacertidae que se distribuye en a mayor parte d'Europa y Asia Central, encara que se troba practicament ausent en a peninsula Iberica, o sud d'Italia, Francia y os Balcans.
En Espanya ye considerau como especie en periglo d'extinción.
Descripción Tien una coloración muit variable. O dorso y os costaus, de color parda u gris parda, tienen unas tacas redondas y escuras tacadas de blanco. En primavera y verano os costaus d'o masclo son d'una tonalidat verde hierba, y a vegadas se tornan tamién d'a mesma color, mientres que en as fembras predomina o pardo.
Habitat As numerosas subspecies de Lacerta agilis se pueden trobar en toda Europa y en Asia central y occidental. Vive tanto en as planas como en as rechions accidentadas, dando preferencia a os solanos y puestos abrigaus amán d'os cantos d'os praus y selvas, en as laderas herbosas cubiertas de matarral, en os troncos y en as pedreras albandonadas; tamién ye frecuent trobar-lo en parques y chardins. O fardacho pirinenco s'alimenta de ferfez, moscas, escarabachos, arainas y atros artropodos. Fa la hibernada baixo tierra, y en rematar a primavera u en primerías d'o verano, a hembra mete de 5 a 15 uevos alargaus, protechius por un emborbozo pareixiu a o cuero, que fica en un vueito poco fundo escavau en o solero. En pasar de 6 a 8 semanas naixen os chicoz fardachos, que miden de 3 a 4 cm de largaria.
Referencias
Agilis Categoría:Fauna d'Asia Categoría:Fauna d'Europa Categoría:Fauna d'os Pireneus