A cascaulaCon a variant cascabla. u abrizón finoCon as variants abrinzón fino y arizón fino. () ye una especie de planta d'o chenero Genista y d'a familia Fabaceae.
Morfolochía Forma una mata intricada de 30-60 cm d'altaria de color verde fosca y aspecto semiesferico y molsudo, con espinas ramificadas y verdas con puntas de 5 a 15 mm de largaria. Fuellas lanceoladas de 6 a 11 mm de largaria. Flors amariellas en grupos terminals. As legúmens son curtas y curvadas d'1 cm de largaria. Floreixe en a primavera orichinando un paisache d'una color amariella dorada muit viva.
Distribución y habitat Se distribuye por a zona mediterrania d'a peninsula Iberica y sud de Francia. A cascaula entapiza carrascals y cardonals. Tamién cubre oriellas de fabars xerofilos y caixicars, asinas como maticals y pastos de montanya en as estriberas d'a Cordelera Cantabrica por Palencia y Leyón y norte de Burgos. Abunda en a sierra de la Demanda y norte de Soria por a sierra Cebollera. En as montanyas de Miranda d'Ebro plega a creixer dica en os rebollars. Ye una especie heliofila que ocupa as calveras d'as selvas u os pastos y rasos a partir de 1.000 metros d'altaria dica os 1.500. En cheneral ocupa tanto soleros calcarios como salagosos y mas rarament terrenos silicicos, estando indicadora de substratos neutros. Ye mas exichent en humedat que l'allaga (Genista scorpius).
Subspecies I hai dos subspecies acceptadas: Genista hispanica L. Plants of the World Online. Royal Botanic Gardens, Kew. Genista hispanica subsp. hispanica — se troba en o nord-este d'Espanya y o sud de Francia. Genista hispanica subsp. occidentalis — se troba en o sud-ueste de Francia (Pireneus occidentals) y norte d'Espanya.
Nombre A subspecie Genista hispanica subsp. hispanica se conoixe con o nombre de cascaula en Torrociella d'Alcanyiz y arizón fino en Salas Altas. Se rechistran tamién os nombres de hierba matriqueraCon a variant hierba matricera., toya y toyaca.
D'atra man pa a subspecie Genista hispanica subsp. occidentalis se documentan os nombres de cascaula y cascabla en Ansó.
Notas
Referencias
Hispanica Categoría:Flora d'Espanya Categoría:Flora de Francia Categoría:Flora d'os Pireneus