A grixolera montesina u mormostillera () ye una especie de planta d'o chenero Ribes y d'a familia Grossulariaceae. Ye una planta propia d'os barcicals, matizals y marguins d'as selvas caducifolias d'o estrato subalpín y montano por dencima d'os 1.000 m (Pireneus y Prepireneus). Flora Catalana
Descripción Ye un arbusto sin de punchas, de 0,5 a 1,5 m d'altaria. Fuellas mas bien chicotas, de menyos de 4 cm d'amplaria, palmatifidas, con os lobulos dentaus con dients bastaixos, brunyius por l'inrevés. A floración ye entre abril y chunio. As flors son de color sorenya: as masculinas en carrazos erectos de 10 a 30 flors, as femeninas en carrazos de pocas flors (de 2 a 5), situadas en piez diferents (planta dioica). Corola con 5 petalos muit curtos. 5 estámens. Cáliz con 5 sepals patents, cuatre u cinco vegadas mas grans que os petalos, soldaus por a base. Os suyos fruitos son bayas royas, dispuestas en carrazos erectos, comestibles, pero sin guaire gusto. Pascual, Ramon, 1999. Guia dels arbustos dels Països Catalans. Editorial Pòrtic, Natura. Barcelona. . Pàg. 41. Presenta dos subspecies: Ribes alpinum subsp. alpinum y Ribes alpinum subsp. lucidum (Kit.) Pawl. Catalogue of Life
Habitat y distribución cheografica Gosa estar acompanyada por Betula pendula, Juniperus communis, Gentiana lutea, Astrantia major, Knautia sylvatica, Pinus sylvestris, Pinus uncinata, Fraxinus excelsior, Fagus sylvatica, Lonicera xylosteum y Rhamnus alpina. Ye present en Austria, Anglaterra, Bulgaria, Republica Checa, Eslovaquia, Dinamarca, Finlandia, Francia, Alemanya, Suiza, Espanya, Hongría, Italia, os Balcans, Noruega, Polonia, a Rusia europea, os Estaus balticos, Suecia, o Caucas, Turquía (Anatolia), Irán y Marruecos. Ha estau ficada en os Estaus Unius (Michigan).
Referencias
Alpinum Categoría:Flora d'Alemanya Categoría:Flora d'Austria Categoría:Flora de Bulgaria Categoría:Flora de Dinamarca Categoría:Flora d'Eslovaquia Categoría:Flora d'Espanya Categoría:Flora d'Estaus Unius Categoría:Flora de Finlandia Categoría:Flora de Francia Categoría:Flora d'Hongría Categoría:Flora d'Irán Categoría:Flora d'Italia Categoría:Flora de Marruecos Categoría:Flora de Noruega Categoría:Flora de Polonia Categoría:Flora d'o Reino Uniu Categoría:Flora d'a Republica Checa Categoría:Flora de Rusia Categoría:Flora de Suecia Categoría:Flora de Suiza Categoría:Flora de Turquía Categoría:Flora d'os Pireneus