A papafiga parda u cagamora (), tamién dito morero, ye una especie de muixón d'o chenero Sylvia y d'a familia Sylviidae.
Descripción Ista chicota au tien una largaria de 14 cm, una envergadura de 22 cm y un peso de bels 16 u 20 g. O diametro de l'iris, de color castanya, ye arredol d'os 3,5 mm.
En cuanto a o plumache, ye d'una color apagada y en conchunto garra vistero. Tanto masclo como fembra presentan tonos pardos grisencos en as partis superiors, y mas blanquinyosos en as inferiors. Peito y costaus d'una color lieument amarillenca.
Distribución y habitat En verano se troba amplament por Europa, fueras de Siberia, Islandia, Escandinavia y as islas Britanicas. En a peninsula Iberica ye present mas que mas por o norte, pero tamién n'i hai en a parti sud. Cría en o País Basco, Navarra, Aragón, La Rioja, Castiella y Leyón, Asturias y Catalunya, a on ye bien distribuyida, manimenos, encara que mas dispersa, tamién fa niedo en Galicia, País Valenciano, Andalucía occidental (Uelba y Sevilla) y isoladament en puntos de Castiella-La Mancha, Extremadura y Andalucía oriental. En os archipielagos ye nomás que un au de paso.
A papafiga parda habita tanto en selvas caducifolias como mixtas, puestos a on puet trobar matiguers, matizals u setos a on desarrollar-se. Pueden localizar-se en plantacions de fruiters, mesmo en chardins, y con gran frecuencia en canyars. Cualsiquier espacio arbolau con a saber-la vechetación arbustiva, ye optimo pa iste muixón.
Referencias
Borin Categoría:Fauna d'Africa Categoría:Aus d'Aragón Categoría:Fauna d'Asia Categoría:Fauna d'Europa Categoría:Fauna d'os Pireneus