O lión masai () ye una subspecie de lión. Ye o mayor depredador d'as planas de Serengeti, en Tanzania y o Masai Mara, en Kenia.
Distribución Ocupa a mayor parti de l'este d'Africa, estendillando-se dende o sudeste de Sudán, pasando por o sud d'Etiopía y Somalia y plegando dica o norte de Zimbabwe y Mozambique.
Descripción Os lions masai son conoixius por una gran variedat de tipos de melena. O desarrollo d'a melena ye relacionau con a edat. Os masclos mayors tienen mas extensas melenas que os mas chóvens; as melenas continan creixendo dica a edat de cuatre u cinco anyos, muito dimpués de que os lions haigan plegau a la suya madurez sexual. Os masclos que viven en as tierras altas por dencima de 800 m d'altaria desarrollan melenas mas pesadas que os lions en as tierras baixas mas humidas y calidas de l'este y o norte de Kenia. Beluns tienen tan poca melena que atamas ye visible, como en os lions de Tsavo. Gnoske, T. P., Celesia, G. G., Kerbis Peterhans, J. C. (2006). Dissociation between mane development and sexual maturity in lions (Panthera leo): solution to the Tsavo riddle?. Journal of Zoology 270(4): 551–560. Abstract
Grandaria Os lions masclos d'Africa Oriental cheneralment tienen una largaria de 2,5-3,0 metros, incluyindo a coda. As lionas son por un regular mas chicotas, nomás de 2,3 a 2,6 metros. O peso d'os masclos ye cheneralment entre 145-205 kg, y as fembras entre 100-165 kg. Estando os lions de Tsavo os mas chicoz y os d'o cráter Ngorongoro os mas grans y tenendo iste zaguero un promeyo de peso por dencima d'os 200 kg, probablement siga o felino mas gran que existe. Os lions d'o Cráter Ngorongoro. Craig Packer. National Geographic, abril de 1992.
Dende 1991 se facioron estudios a lions en diferents zonas d'o cráter Ngorongoro. Dende alavez se calculoron pesos de mas de 230 kg. Craig Parker y os suyos colegas prenioron midas en seis lions masclos a os que les ne calculó un promeyo de 212 kg y diez masclos adultos de Serengeti con un promeyo de 182 kg. Incluyen lions de 6,1 a 9,8 anyos (meya 7,6). Cambió en o desarrollo d'os lions d'o cráter Ngorongoro y serengeti. Craig Packer. Printer Great britain, journals of reproduction & fertility ftd, febrero de 1991 En 1993 fue cazau en as laderas d'o mont Kenia un lión masclo excepcionalment gran que plegó a os 272 kg. Wildcats
Referencias
Massaica