Este articlo tracta sobre Albalat de l'Arcebispe. Pa atros emplegos de lo toponimo Albalat se veiga Albalat (desambigación).

Albalat de l'Arcebispe (Albalate del Arzobispo en castellano) ye una villa y municipio aragonés de la provincia de Teruel, situau en la comarca de lo Baixo Martín.

La suya población ye de habitants en una superficie de 205,7 km².

Cheografía Albalat de l'Arcebispe ye situau en la costera de una muela que caye enta la marguin ezquierda de lo río Martín, a 342 metros d'altaria sobre lo livel d'a mar, a una distancia de 148 km de Teruel, la capital de la suya provincia, y a 82 km de distancia de Zaragoza, la capital d'Aragón.

Mugas Íxar Urreya de Gayén Lecera 50px Íxar Arinyo Andorra

Clima La suya temperatura anyal ye 14.4 °C, con una temperatura meya en chinero de 6.78 °C y en chulio de 23.51 °C. "Valores normales de precipitación y temperatura de la red climatológica (1961-1990). Serie monografías. Año 2000" (Instituto Nacional de Meteorología) en a pachina web de l'Instituto Aragonés de Estadística (IAEST).

Historia dreita|thumb|250px|Santuario d'a Virchen d'os Arcos. Pareixe que los sinyors de Belchit prenioron Albalat en tiempos de Remón Berenguer IV. En 1149, este conte donó la villa y castiello d'Albalat a lo bispe de Zaragoza Bernat Ximénez. En la baixa Edat Meya yera un lugar poblau exclusivament por cristianos.Eliseo Serrano Martín La Comarca del Bajo Martín en la Edad Moderna. Comarca del Bajo Martín, colección territorio, 32

Los dominios d'Albalat s'ixamplaban en la baixa Edat Meya y Andorra, Almochuel, Arcos, Arinyo y lo Cardadal plegoron a formar-ne parte.

En la Guerra de Succesión Espanyola Albalat de l'Arcebispe s'alinió con los Borbons y dioron refuchio a l'arcebispe Antonio Ibánez de la Riva (virrei d'Aragón nombrau en 1703 por Felipe IV). Por lo refirme recibiu Felipe IV atorgó a Albalat lo títol de "fidelisma" lo 30 de chuliol de 1708.

Toponimia Las primeras mencions de lo lugar yeran como Albalat, que significa en arabe "la calzada", fendo referencia a una posible calzada romana y que en Edat Meya Albalat yera en lo camín que comunicaba Zaragoza con Levant, estando parte de lo Camín de San Chaime de l'Ebro. Ha teniu en bel texto l'apelativo del Episcopo u del Bispe, por eixemplo en un texto de 1292 relativo a los templers:

Tamién en textos relativos a la Unión Aragonesa:

A partir de 1318, prene l'apelativo del Arzebispe, y asinas lo leyemos en lo famoso texto medieval aragonés Litera Intimata, que escribió Mosen Ioan Ximénez Cerdán a lo chusticia Mosen Martín Díez d'Aux:

left|thumb|250px|A ilesia de l'Asumpción de Nuestra Sinyora d'Albalat de l'Arcebispe. Pero en ixos tiempos tardanos cada vegada mes s'escribiba como en castellano del Arzobispo. En lo Libro del Reparo del General de 1489-1491 s'escribe Albalat del Arçobispo. Encara en lo fogache de 1495 s'escribe Albalat de l'Arçobispo.

Microtoponimos En lo suyo casco urbano bi ha toponimos en aragonés: Arco d'el pin, Canaleta, Fandega, Fila, La Fal (una carrera con forma de falz), Morera (barrio musulmán), Moretilla. Bi ha un toponimo d'orichen francés u occitán: la Rúa, citau en 1573.

En lo suyo termin bi ha bel microtoponimo en idioma aragonés: un casal dito el Radiguero, un plan dito Plan del Bispe, y una montanya dita la Silleta, una zaica dita Azaiqueta y atra dita de los terreros. Atros con elementos aragoneses son algecira, balsete fadiga, la canal, collau royo, espartal, espartosa, espilas/pilas, Fandeguilla, Arroyo del Filo, Paridera Loma de la Figuera, Figaral, Fulla, La Gabarreta, Ifesa, Cabezo de la Ginesta, Lobera, Los Albares, Majuelo del Bispe, Millares, Morerales, Planas, Planetas, Mas de la Plana, Planos de la Calva, Sasillo, Saso, Tarranclera, Tollos, Torre de la Val, Val de Ferreros, Val de la Clocha, Val de la Olivera, Valfonda, Valpelosa, Val de los Jugos, royales d'el Picón, rincón d'el Pinaré, mar de Fulla. Las guías Prames fa mención d'un planas Fanatos que no nombran atras fuents.

En la fuella 440 de lo Mapa Topografico Nacional de España titulada Belchite figura una partida dita La Tamarit, probable mala transcripción de La Tamariz que ye como se diz a este arbusto en la redolada y como figura lo toponimo en las Guías Prames.

Luengas y parlas Actualment en Albalat de l'Arcebispe se charra, como en toda la comarca de lo Baixo Martín, lo castellano rechional d'Aragón, con substrato lingüistico provinient de l'aragonés que se i charró en la baixa Edat Meya.

Los mayestros de lo Colechio Publico replegoron lo lexico emplegau por las familias de los alumnos. Se conservan palabras aragonesas de lo mesmo tipo que en lo Baixo Martín y Andorra (s'emplega l'adverbio de tiempo a sobén). Destaca la conservación de la xorda intervocalica en cucullata (cucullada en Sant Per de Calanda y Exatiel), y la sonorización dezaga liquida en chungo.

Demografía

Puestos d'intrés Chacimientos arqueolochicos En lo termin municipal bi ha chacimientos arqueolochicos: Barranco de la hoz: tres chacimientos neoliticos. Barranco de Valdoria: bronce pleno. Cabezo de Cantalobos: poblau iberico de los sieglos IV lo I a.C y necropoli romana. Cabezo de las Abejas: poblau iberico. Encara bi ha dos menhirs y una esfinx gravada en la roca (La Caraza). Lastra de San José, chacimiento con tumbas d'epoca visigoda.

Pinturas rupestres Bi ha diferents covachas y cinglos con representacions d'arte levantín y que fan part de lo Parque Cultural d'el Río Martín.

Molimentos dreita|thumb|200px|Lo castiello d'Albalat de l'Arcebispe. La villa ye conchunto historico-artistico dende lo 5 d'octubre de 1983. Entre lo castiello, la ilesia y lo río bi ha una morería, una medina bien conservada y mugada. A 13 km a lo sud d'Albalat, sobre un cinglo ye la ermita de la Virchen d'Arcos, de lo sieglo XVII.

Castiello d'Albalat de l'Arcebispe, de los sieglos XIII-XIV, con elementos en estilo gotico. Ye protechiu legalment con la suya declaración como Bien d'Intrés Cultural.

Obras hidraulicas Cequia del Lugar. Azú y casa de compuertas de la Zaica de Gayén. Central hidroelectrica Rivera-Bernad I, construita en 1901. Nevera. Sistema d'auguas de la Val d'Oria.

Molimentos relichiosos Ilesia de Nuestra Sinyora de l'Asumpción, protechida legalment dende 2001 con la suya declaración como Bien d'Intrés Cultural. Declaración de la ilesia de Nuestra Sinyora de l'Asumpción d'Albalat de l'Arcebispe como Bien d'Intrés Cultural en lo BOA. Ye una ilesia d'estilo gotico-renaixentista de lo sieglo XVI, construita dencima d'una ilesia anterior. Ilesia de Sant Chusé d'Albalat de l'Arcebispe. right|thumb|250px|La ilesia de Sant Chusé d'Albalat de l'Arcebispe.

Administración Reparto de concellers Eleccions municipalsArchivo electoral Partiu 1979 1983 1987 1991 1995 1999 2003 2007 2011 2015 2019 Partido de los Socialistas de Aragón 4 7 6 7 4 6 6 6 6 7 5 Partido Popular - 2 - 4 6 4 3 2 3 3 4 Ciudadanos - - - - - - - - - - 2 Partido Aragonés - 2 - 0 0 0 1 0 1 1 0 Chunta Aragonesista - - - - - - - 3 1 - - Izquierda Unida - - - - 1 1 1 - - - - Independients 3Unión Electoral Albalatina - 5Agrupación Popular Aragonesa - - - - - - - - Unión de Centro Democrático 4 - - - - - - - - - - Total 11 11 11 11 11 11 11 11 11 11 11

Alcaldes Lista d'alcaldes Lechislatura Nombre Partiu politico1979–1983 Emilio Alcaine Félix Treinta aniversario de las primeras elecciones municipales de la democracia. Unión de Centro Democrático 1983–1987Antonio del Río Macipe Partido de los Socialistas de Aragón1987–1991Isidro Sanz Carnicer Partido de los Socialistas de Aragón1991–1995José María Serrano Pomed Partido de los Socialistas de Aragón1995–1999Alfredo Martínez Villavieja PP1999–2003Antonio Fustero Alfranca Partido de los Socialistas de Aragón2003–2007 Antonio del Río Macipe Partido de los Socialistas de Aragón2007–2011 Antonio del Río Macipe Partido de los Socialistas de Aragón2011–2015 Antonio del Río Macipe Partido de los Socialistas de Aragón2015–2019 Antonio del Río Macipe Partido de los Socialistas de Aragón2019–2023Isabel Arnas AndreuPP2023–2027 Celia Trullen Carbo Consulta el listado de alcaldes que han sido proclamados en Aragón en Heraldo de Aragón. PSOE

Fiestas La fiesta mes famosa ye la Semana Santa, incluyida en la Rota de lo Tambor y lo Bombo. 15 d'abril. Lunes de Cuasimodo. 24-25 de septiembre fiestas patronals en honor a la Virchen d'Arcos.

Personalidaz naixidas d'Albalat de l'Arcebispe Categoría principal: Naixius d'Albalat de l'Arcebispe. Segundo Espallargas Castro, supervivient de lo campo de concentración de Mauthausen (1920). Blas Mora, cantaire d'ixota aragonesa (1861-1938).

Se veiga tamién Lista de municipios de Teruel.

Bibliografía Jose Manuel Pina Piquer. De ilusiones y tragedias, historia de Albalate del Arzobispo. Ayuntamiento de Albalate del Arzobispo. Jose Antonio Benavente et al. Obras hidráulicas del Bajo Aragón. Prames. 2008.

Vinclos externos

Pachina web oficial municipal. Albalat de l'Arcebispe en www.CaiAragón.com. Lo castiello d'el bispe en www.AragonEsAsí.com. Albalat de l'Arcebispe en www.ArteGuias.com. Lo castiello d'el bispe en www.CastillosDeAragón.es.

Referencias

*